മാവൂര്‍: പരിസ്ഥിതി ദിനാചരണത്തിന്റെ ഭാഗമായി മുസ്‌ലിം യൂത്ത് ലീഗ് കമ്മിറ്റി നടപ്പാക്കുന്ന 'ഭൂമിക്കൊരു കുട' പദ്ധതിയുടെ പഞ്ചായത്തുതല ഉദ്ഘാടനം ചെറൂപ്പ ഹെല്‍ത്ത് സെന്റര്‍ പരിസരത്ത് വൃക്ഷത്തൈ നട്ട് മാവൂര്‍ പഞ്ചായത്ത് പ്രസിഡന്റ് സി. മുനീറത്ത് നിര്‍വഹിച്ചു.
ഒ.എം നൗഷാദ്, ലത്തീഫ് മാസ്റ്റര്‍ ഊര്‍ക്കടവ്, യു.എ ഗഫൂര്‍, ടി.കെ അബ്ദുല്ലക്കോയ, കെ.എം.എ റഹ്മാന്‍, ജംഷാദ് ബാവ, കെ.എം മുര്‍ത്താസ്, ഷമീം, എം.എം ഷരീഫ് സംബന്ധിച്ചു.
മാവൂര്‍: പരിസ്ഥിതി ദിനാചരണത്തിന്റെ ഭാഗമായി കുന്ദമംഗലം നിയോജക മണ്ഡലം മുസ്‌ലിം യൂത്ത് ലീഗ് കമ്മിറ്റി നടപ്പാക്കുന്ന 'ഭൂമിക്കൊരു കുട' പദ്ധതി പൂവ്വാട്ട്പറമ്പില്‍ ഔഷധസസ്യം 'ലക്ഷ്മി തരു' നട്ട് യൂത്ത് ലീഗ് ജില്ലാ വൈസ് പ്രസിഡന്റ് കെ.എം.എ റഷീദ് ഉദ്ഘാടനം ചെയ്തു. എന്‍.പി അബ്ദുസ്സമദ്, എം. ബാബുമോന്‍, ഒ.എം നൗഷാദ്, കെ. ജാഫര്‍ സാദിഖ്, ലത്തീഫ് മാസ്റ്റര്‍, ഹക്കീം മാസ്റ്റര്‍ കള്ളന്‍തോട്, ഐ. സല്‍മാന്‍ പെരുമണ്ണ, ഉനൈസ് പെരുവയല്‍, മുഹമ്മദ് കോയ കായലം, കെ.പി ജലീല്‍ സംബന്ധിച്ചു.
ഇന്ന് മണ്ഡലത്തിലെ മുഴുവന്‍ പ്രദേശങ്ങളിലും വൃക്ഷത്തൈകള്‍ നട്ട് 'ഭൂമിക്കൊരു കുട' തീര്‍ക്കും
കോഴിക്കോട്: പരിസ്ഥിതി ദിനത്തോടനുബന്ധിച്ച് ഡി.വൈ.എഫ്.ഐ ടൗണ്‍ മേഖലാ കമ്മിറ്റിയുടെ നേതൃത്വത്തില്‍ വൃക്ഷത്തൈകള്‍ നട്ടു. തിരുത്തിയാട് സംഘടിപ്പിച്ച പരിപാടി സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ ഉദ്ഘാടനം ചെയ്തു.
വിമല്‍ അധ്യക്ഷനായി. ഫഹദ് ഖാന്‍, ആര്‍. ഷാജി, ജാസിര്‍ അഹമ്മദ്, ഉബേഷ്, ജിതിന്‍ സംബന്ധിച്ചു.