ന്യൂ ഡല്‍ഹി: ഫോര്‍മുല വണ്‍ കാറോട്ടത്തിലെ ഇതിഹാസമായിരുന്നു മൈക്കല്‍ ഷുമാക്കറിന്റെ പാത പിന്തുടര്‍ന്ന മകന്‍ മിക്ക് ഷുമാക്കര്‍. കഴിഞ്ഞ ദിവസം യൂറോപ്യന്‍ ഫോര്‍മുല ത്രീ ചാംപ്യന്‍ഷിപ്പ് സ്വന്തമാക്കിയതോടെയാണ് ഫോര്‍മുല വണ്ണില്‍ കാറോട്ടത്തില്‍ മിക്കിന്റ പേരും ചേര്‍ക്കപ്പെട്ടത്. ഏഴ് തവണ ഫോര്‍മുല വണ്‍ ചാംപ്യനായ ഷുമാക്കര്‍ 2013ല്‍ സ്‌കീയിങ്ങിനിടെ നടന്ന അപകടത്തില്‍പെട്ട് കോമയിലാണ്. പിതാവായിരുന്ന ഷുമാക്കര്‍ മകന്‍ മത്സരിച്ച ഇതേ മത്സരത്തിലൂടെയായിരുന്നു കാറോട്ടത്തിന്റെ രാജപാതകള്‍ കീഴടക്കിയത്. മിക്കിന്റെ മൂന്നാം കിരീട നേട്ടമായിരുന്നു കഴിഞ്ഞ ദിവസത്തേത്.