കല്ലമ്പലം: കുടവൂര്‍ ഏലായില്‍ കൊയ്ത്തുപാട്ടിന്റെ ഈണം. കാര്‍ഷിക വികസന കര്‍ഷക ക്ഷേമവകുപ്പ് നാവായിക്കുളം പഞ്ചായത്ത് കൃഷിഭവന്‍ വഴി നടപ്പിലാക്കിയ തരിശുനില കൃഷിയുടെ കൊയ്ത്തുത്സവമാണ് നാടന്‍പാട്ടിന്റെ അകമ്പടിയോടെ കഴിഞ്ഞ ദിവസം നടന്നത്.
പ്രദേശവാസിയായ ഷാജി എന്ന കര്‍ഷകന്റെ തരിശുകിടന്ന പാടത്താണ് വിളവിറക്കിയത്. നൂറുമേനി വിളവാണ് കൊയ്തത്. ഇതിന്റെ ഉദ്ഘാടനം ഉത്സവ പ്രതീതിയോടെ കൊയ്ത്തുപാട്ടുമായി പഞ്ചായത്ത് പ്രസിഡന്റ് കെ. തമ്പി നിര്‍വഹിച്ചു.
വാര്‍ഡ് മെംബര്‍ കുടവൂര്‍ നിസാം, കൃഷി ഓഫിസര്‍ സുരേഷ്, കൃഷി അസിസ്റ്റന്റ്മാരായ അനില്‍, ബിജു, ശ്യാംരാജ്, പാടശേഖരസമിതി സെക്രട്ടറി മോഹന്‍ദാസ്, കര്‍ഷകര്‍ പങ്കെടുത്തു. ചടങ്ങില്‍ മുതിര്‍ന്ന കര്‍ഷകരെ ആദരിച്ചു.