റോം: ബാഴ്‌സലോണ താരം ലയണല്‍ മെസ്സിയാണ് തന്നെ കളിക്കാരനാക്കിയതെന്ന് യുവന്റസ് താരം ക്രിസ്റ്റ്യാനോ റൊണാള്‍ഡോ.
മെസ്സി ഉണ്ടായിരുന്നത് കൊണ്ടാണ് ഞാന്‍ ഇത്രയും വളര്‍ന്നത് എന്ന കാര്യത്തില്‍ ഒരു സംശയവും ഇല്ലെന്ന് ക്രിസ്റ്റ്യാനോ പറഞ്ഞു. മെസ്സിയുടെ സാന്നിധ്യം തന്നെ മികച്ച താരമാക്കിയതുപോലെ തന്റെ സാന്നിധ്യം മെസ്സിയെയും മികച്ച താരമാക്കിയെന്നും റൊണാള്‍ഡോ പറഞ്ഞു.
കഴിഞ്ഞ വര്‍ഷം വരെ മെസ്സിയും ക്രിസ്റ്റ്യാനോയും മാറിമാറിയായിരുന്നു ബലന്‍ ഡി ഓര്‍ സന്തമാക്കിയിരുന്നത്. ഇത് കഴിഞ്ഞ വര്‍ഷം ലൂക്കാ മോഡ്രിച്ചായിരുന്നു സ്വന്തമാക്കിയത്. മെസ്സിയുടെ കരിയറിനെ താന്‍ ഒരുപാടു ആരാധിക്കുന്നുവെണ്ടന്ന് പറഞ്ഞ റൊണാള്‍ഡോ താന്‍ ലാലിഗ വിട്ടപ്പോള്‍ മെസ്സി റൊണാള്‍ഡോയെ മിസ്സ് ചെയുന്നു എന്ന് പറഞ്ഞത് ഓര്‍മിക്കുകയും ചെയ്തു. ഫുട്‌ബോളിലെ ആരോഗ്യകരമായ മത്സരങ്ങള്‍ ഞങ്ങള്‍ ഇരുവരും ആസ്വദിച്ചിരുന്നതായും അത് ര@ണ്ടുപേര്‍ക്കും ഗുണം മാത്രമാണ് ചെയ്തതെന്നും റൊണാള്‍ഡോ പറഞ്ഞു.
മെസ്സിയും താനുമായി വളരെ മികച്ച പ്രൊഫഷനല്‍ ബന്ധമാണ് ഉള്ളതെന്നും കഴിഞ്ഞ 15 വര്‍ഷമായി മനോഹരമായ നിമിഷങ്ങളാണ് പരസ്പരം പങ്കുവയ്ക്കുന്നതെന്നും റൊണാള്‍ഡോ കൂട്ടിച്ചേര്‍ത്തു.
ഒരു പക്ഷെ താന്‍ അടുത്ത വര്‍ഷം കളി നിര്‍ത്തുമെന്നും അല്ലെങ്കില്‍ 41 വയസ് വരെ കളത്തില്‍ തുടരുമെന്നും റൊണാള്‍ഡോ കൂട്ടിച്ചേര്‍ത്തു. വിരമിക്കുന്നതിനെ കുറിച്ച് ഞാന്‍ ഇപ്പോള്‍ ചിന്തിക്കുന്നല്ല.
നന്നായി ആസ്വദിച്ച് തന്നെയാണ് കളിക്കുന്നത്. 41 വയസുവരെ എങ്കിലും കളിക്കാനാകുമെന്ന പ്രതീക്ഷയിലാണിപ്പോള്‍- റൊണാള്‍ഡോ പറഞ്ഞു. സ്‌പെയിനിലെ ഒരു വാര്‍ത്താ ഏജന്‍സിക്ക് നല്‍കിയ അഭിമുഖത്തിലായിരുന്നു റൊണാള്‍ഡോ ഇക്കാര്യം പറഞ്ഞത്.