നെയ്യാറ്റിന്‍കര: പ്രായപൂര്‍ത്തിയാകാത്ത പെണ്‍കുട്ടിയെ പ്രണയം നടിച്ച് വശികരിച്ചു കൊണ്ടു പോയി ലൈംഗീകമായി പീഡിപ്പിച്ച യുവാവിനെ നെയ്യാറ്റിന്‍കര പൊലിസ് അറസ്റ്റ് ചെയ്തു.
മാരായമുട്ടം പെരുങ്കടവിള പഴമല സ്വദേശി രാജേഷ് (27) ആണ് പിടിയിലായത്. പെരുങ്കടവിള സ്വദേശിനിയായ 16 കാരിയെ പീഡിപ്പിച്ചതായി കുട്ടിയുടെ അമ്മ നല്‍കിയ പരാതിയിലായിരുന്നു അറസ്റ്റ്.
കഴിഞ്ഞ രണ്ടിനായിരുന്നു കേസിനിടയായ സംഭവം നടന്നത്. പ്രതിയുടെ ബന്ധുവീട്ടിലെത്തിച്ചായിരുന്നു പീഡനം.
കാട്ടാക്കട , കിള്ളി എന്നിവിടങ്ങളില്‍ രണ്ട് ഭാര്യമാരുളള രാജേഷിനു രണ്ട് മക്കളുണ്ട്. നെയ്യാറ്റിന്‍കര ഡി.വൈ.എസ്.പി ഹരികുമാറിന്റെ നിര്‍ദേശപ്രകാരം സി.ഐ അരുണിന്റെ നേതൃത്വത്തില്‍ പിടികൂടിയ പ്രതിയെ കോടതിയില്‍ ഹാജരാക്കി റിമാന്റ് ചെയ്തു.