കോഴിക്കോട്: സുന്നി യുവജന സംഘം സംസ്ഥാന കമ്മിറ്റിയുടെ ആഭിമുഖ്യത്തില്‍ 'വഹാബിസം പരിണാമങ്ങളുടെ വര്‍ത്തമാനം' എന്ന പ്രമേയത്തില്‍ സുന്നി ആദര്‍ശ സമ്മേളനം നാളെ കോഴിക്കോട് ടൗണ്‍ ഹാളില്‍ നടക്കും.
രാവിലെ ഒന്‍പതിന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. എസ്.വൈ.എസ് സംസ്ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി അധ്യക്ഷനാകും. സമസ്ത ജന.സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ മുഖ്യ പ്രഭാഷണം നടത്തും. എം.ടി അബൂബക്കര്‍ ദാരിമി (ഇസ്‌ലാമിലെ ഏകദൈവ വിശ്വാസം), മുസ്തഫ അശ്‌റഫി കക്കുപ്പടി (മുജാഹിദ് തൗഹീദ്: 1921, 2001, 2007, 2012, 2018), അബ്ദുസ്സമദ് പൂക്കോട്ടൂര്‍ ( നവോത്ഥാനം: അവകാശികളും വാദികളും) അവതരിപ്പിക്കും. രണ്ടുമണിക്ക് രണ്ടാം സെഷനില്‍ അബ്ദുല്‍ ഹമീദ് ഫൈസി അമ്പലക്കടവ്(സ്ത്രീ പള്ളി പ്രവേശം), അലവി ദാരിമി കുഴിമണ്ണ (വൈരുധ്യങ്ങളുടെ നേര്‍ക്കാഴ്ചകള്‍ ) അവതരിപ്പിക്കും.