ദുബൈ: പാസ്‌പോര്‍ട്ടിനും എക്‌സ്്പ്രസ് ഗേറ്റ് കാര്‍ഡിനും പകരം ദുബൈ അന്താരാഷ്ട്ര വിമാനത്താവളത്തില്‍ യാത്രക്കാര്‍ക്ക് സ്മാര്‍ട്ട് ഫോണ്‍ ഉപയോഗിക്കാം. എമിറേറ്റ്‌സ് സ്മാര്‍ട്ട് വാലറ്റ് ഉപയോഗിച്ച് പരിശോധനാ നടപടികള്‍ എളുപ്പത്തിലാക്കുന്ന പദ്ധതിക്കാണ് ദുബൈയില്‍ തുടക്കംകുറിച്ചത്.
യാത്രക്കാരുടെ വ്യക്തിവിവരങ്ങള്‍, എമിറേറ്റ്‌സ് തിരിച്ചറിയല്‍ കാര്‍ഡ്, പാസ്‌പോര്‍ട്ട് എന്നിവയിലെ വിവരങ്ങള്‍, ഇ-ഗേറ്റ് കാര്‍ഡിലെ വിവരങ്ങള്‍ എന്നിവ വാലറ്റുമായി ബന്ധിപ്പിക്കും. വിമാനത്താവളത്തില്‍ നടന്ന ചടങ്ങിലാണ് വാലറ്റ് പുറത്തിറക്കിയത്.
ദുബൈ പൊതുസുരക്ഷാ തലവന്‍ ലഫ്. ജനറല്‍ ദാഹി തമീം, ദുബൈ ന്യൂട്രലൈസേഷന്‍ ആന്‍ഡ് റസിഡന്‍സി വകുപ്പിലെ മേധാവി മുഹമ്മദ് അഹ്മദ് അല്‍ മാരി പങ്കെടുത്തു.