പുതുക്കാട്: പാലപ്പിള്ളി മേഖലയിലെ റബര്‍ എസ്റ്റേറ്റുകളില്‍ കളകള്‍ നശിപ്പിക്കാന്‍ വിഷപ്രയോഗം നടത്തുന്നുവെന്ന് ആക്ഷേപം.പാലപ്പിളളി മേഖലയിലുള്ള ഹെക്ടര്‍ കണക്കിന് തോട്ടങ്ങളില്‍ കളനാശിനി പ്രയോഗിക്കുന്നതിനെതിരേ ശാസ്ത്രസാഹിത്യ പരിഷത്ത് കൊടകര മേഖല കമ്മിറ്റി പ്രതിഷേധിച്ചു. സുരക്ഷ സംവിധാനങ്ങള്‍ ഇല്ലാതെ രണ്ടു വര്‍ഷം മുന്‍പ് മേഖലയിലെ തോട്ടങ്ങളില്‍ ഇത്തരത്തിലുള്ള കളനാശിനി പ്രയോഗിച്ചതിനെ തുടര്‍ന്ന് വ്യാപക പ്രതിഷേധമുയര്‍ന്നിരുന്നു.