വാഷിംഗ്ടണ്‍: ക്യൂബയ്ക്ക് എതിരായ നിലപാടുകള്‍ കടുപ്പിച്ച് ട്രംപ് ഭരണകൂടം. മുന്‍ പ്രസിഡന്റ് ബറാക് ഒബാമ കൊണ്ടുന്ന പല കരാറുകളും പ്രസിഡന്റ് ഡൊണാള്‍ഡ് ട്രംപ് റദ്ദാക്കി.

ഒബാമ കൊണ്ടുവന്ന നയങ്ങള്‍ തെറ്റിദ്ധാരണയുണ്ടാക്കുന്നതെന്നാണ് ട്രംപ് അഭിപ്രായപ്പെട്ടത്. ഒബാമയുടേത് ഏകപക്ഷീയമായ നയമെന്നും ട്രംപ് ഭരണകൂടം വിലയിരുത്തി.

ഇതോടെ യുഎസ് സഞ്ചാരികള്‍ ക്യൂബയില്‍ പോകുന്നതിന് ഇനി നിയന്ത്രണമുണ്ടാകും. സൈനിക-സാമ്പത്തിക-വാണിജ്യ സഹകരണത്തിനും വിലക്കു വീഴും.

2014 ല്‍ ആണ് ബരാക് ഒബാമയും ക്യൂബന്‍ പ്രസിഡന്റ് റൗള്‍ കാസ്‌ട്രോയും തമ്മില്‍ കരാറില്‍ ഒപ്പുവച്ചത്. ഒബാമയുടെ ചരിത്രപരമായ ക്യൂബന്‍ സന്ദര്‍ശനത്തിലാണ് വര്‍ഷങ്ങളായുള്ള ഉപരോധങ്ങള്‍ പിന്‍വലിക്കാന്‍ അമേരിക്ക തീരുമാനിച്ചത്.