ലിവർപൂളിന്റെ പോർച്ചുഗൽ താരം ഡിയോഗോ ജോട്ട സ്‌പെയിനിൽ വെച്ചുണ്ടായ വാഹനാപകടത്തിൽ മരണപ്പെട്ടിരുന്നു. സ്പെയ്നിലെ മുർസിയിൽ മറ്റൊരു വാഹനത്തെ മറികടക്കുന്നതിനിടെ കാറിന്റെ ടയർ പൊട്ടിയതിനെ തുടർന്ന് കാർ റോഡിൽ നിന്ന് തെന്നിമാറി തീപിടിക്കുകയായിരുന്നു. അപകടത്തിൽ ജോട്ടയുടെ സഹോദരനായ ആന്ദ്രേ സിൽവയും മരണപ്പെട്ടു. ഇപ്പോൾ ജോട്ടയുടെ  മരണത്തിൽ അനുശോചനം രേഖപ്പെടുത്തിയിരിക്കുകയാണ് ക്രിസ്റ്റ്യാനോ റൊണാൾഡോ. തന്റെ സോഷ്യൽ മീഡിയയിലൂടെയാണ് റൊണാൾഡോ വൈകാരികമായി പ്രതികരിച്ചത്. 

''ഇത് വിശ്വസിക്കാൻ സാധിക്കുന്നില്ല, ഞങ്ങൾ ദേശീയ ടീമിനൊപ്പം ഒരുമിച്ച് ഉണ്ടായിരുന്നു. നിങ്ങളുടെ കുടുംബത്തിനും, നിങ്ങളുടെ ഭാര്യക്കും, നിങ്ങളുടെ കുട്ടികൾക്കും, ഞാൻ എൻ്റെ അനുശോചനം അറിയിക്കുന്നു, അവർക്ക് ഈ ലോകത്തിലെ എല്ലാ ശക്തിയും നേരുന്നു. നിങ്ങൾ എപ്പോഴും അവരോടൊപ്പം ഉണ്ടായിരിക്കുമെന്ന് എനിക്കറിയാം. ഡിയോഗോയും ആന്ദ്രേയും സമാധാനത്തോടെ വിശ്രമിക്കൂ. ഞങ്ങൾ എല്ലാവരും നിങ്ങളെ മിസ്സ് ചെയ്യും" റൊണാൾഡോ സോഷ്യൽ മീഡിയയിൽ കുറിച്ചു.

റൊണാൾഡോയും ജോട്ടയും ക്ലബ്ബ് ഫുട്ബോളിൽ ഒരുമിച്ച് കളിച്ചിട്ടില്ല. എന്നാൽ പോർച്ചുഗൽ ദേശീയ ടീമിനൊപ്പം 32 മത്സരങ്ങളിലാണ് ഇരുവരും ഒരുമിച്ച് പന്ത് തട്ടിയത്. ഇതിൽ ഇരുവരും ഏഴ് സംയുക്ത ഗോളുകളും സ്വന്തമാക്കിയിട്ടുണ്ട്. റൊണാൾഡോ അഞ്ചു ഗോളുകളും രണ്ട് ഗോളുകളും ആണ് നേടിയിട്ടുള്ളത്.  2019, 2025 വർഷങ്ങളിൽ യുവേഫ നേഷൻസ് ലീഗ് നേടിയ പോർച്ചുഗൽ ദേശീയ ടീമിന്റെ ഭാഗമായിരുന്നു ജോട്ട.

2020ൽ വോൾവർഹാംടൺ വാണ്ടറേസിൽ നിന്നാണ് ജോട്ട ലിവർപൂളിൽ എത്തിയത്. ലിവർപൂളിനൊപ്പം 165 മത്സരങ്ങളിൽ നിന്നും 64 ഗോളുകളും താരം നേടിയിട്ടുണ്ട്.  യർഗൻ ക്ലോപ്പിന്റെ കീഴിൽ എഫ്എ കപ്പും ലീഗ് കപ്പും നേടിയ അദ്ദേഹം, 2024/25 സീസണിൽ ആർനെ സ്ലോട്ടിന് കീഴിൽ പ്രീമിയർ ലീഗ് കിരീടവും സ്വന്തമാക്കി. എഫ്എ കപ്പും ലീഗ് കപ്പും നേടിയ അദ്ദേഹം, 2024/25 സീസണിൽ ആർനെ സ്ലോട്ടിന് കീഴിൽ പ്രീമിയർ ലീഗ് കിരീടവും സ്വന്തമാക്കി.