മഞ്ചേരി: റബര്‍ പുകപ്പുരയില്‍ തീപിടിച്ച് ലക്ഷങ്ങളുടെ നഷ്ടം. കവളങ്ങാട് പുരിയോട്ടി തോമസിന്റെ ഉടമസ്ഥതയിലുള്ള റബര്‍ പുകപ്പുരയിലാണ് തീ പിടിച്ചത്. ഇന്നലെ രാവിലെ പതിനൊന്നിനാണ് സംഭവം. മഞ്ചേരി അഗ്‌നിരക്ഷാ സേന ഉടന്‍ സംഭവ സ്ഥലത്തെത്തി തീ പൂര്‍ണമായും നിയന്ത്രണ വിധേയമാക്കി.
മഞ്ചേരി അഗ്‌നിരക്ഷാ സേനയിലെ അസി.സ്റ്റേഷന്‍ ഓഫിസര്‍ ഇ.കെ.അബ്ദുള്‍ സലീമിന്റെ നേതൃത്വത്തില്‍ ഫയര്‍മാന്‍മാരായ ഇ.എം.അബ്ദു റഫീഖ് , വി .സി .രഘുരാജ്, സി.പി.നിശാന്ത്, ഫയര്‍മാന്‍ ഡ്രൈവര്‍ ഒ.സൂരജ്, ഹോം ഗാര്‍ഡ് ടോമി തോമസ് എന്നിവരുടെ നേതൃത്വത്തിലാണ് തീ അണച്ചത്.
ഏകദേശം 3 ലക്ഷം രൂപയുടെ നഷ്ടം കണക്കാക്കുന്നു.