ന്യൂഡല്‍ഹി: കേന്ദ്രസര്‍ക്കാരുമായി തര്‍ക്കം രൂക്ഷമായി തുടരുന്നതിനിടെ, ആര്‍.ബി.ഐ ഗവര്‍ണര്‍ സ്ഥാനത്തു നിന്ന് ഉര്‍ജിത്ത് പാട്ടേല്‍ രാജിവയ്ക്കുമെന്ന് റിപ്പോര്‍ട്ട്. നവംബര്‍ 19ന് ചേരുന്ന ബോര്‍ഡ് യോഗത്തില്‍ രാജി പ്രഖ്യാപിക്കുമെന്നാണ് സാമ്പത്തിക പ്രസിദ്ധീകരണമായ മണിലൈഫിന്റെ റിപ്പോര്‍ട്ട്.

ആര്‍.ബി.ഐയുടെ സ്വയംഭരണാധികാരത്തെച്ചൊല്ലി തര്‍ക്കം രൂപപ്പെട്ടിട്ട് മൂന്നാഴ്ക്കാലമായി. അതിനിടയിലാണ്, കരുതല്‍ ധനത്തില്‍ 3.6 ലക്ഷം കോടി രൂപ കേന്ദ്ര സര്‍ക്കാര്‍ ആവശ്യപ്പെട്ടതും ആര്‍.ബി.ഐ നിരസിച്ചതും.

കേന്ദ്ര സര്‍ക്കാരുമായുള്ള തര്‍ക്കത്തെത്തുടര്‍ന്ന് ഉര്‍ജിത്ത് പാട്ടേല്‍ ക്ഷീണിതനായതായും ആരോഗ്യപ്രശ്‌നങ്ങള്‍ വര്‍ധിപ്പിച്ചതായും റിപ്പോര്‍ട്ടിലുണ്ട്.