കൊഹിമ: നാഗാലാൻഡിലുണ്ടായ ശക്തമായ ഐഇഡി സ്ഫോടനത്തിൽ അസം റൈഫിൾസ് ജവാന് വീരമൃത്യു. സ്ഫോടനത്തിൽ നാല് സൈനികർക്ക് പരുക്കേറ്റു. നാഗാലാൻഡിലെ ചുമൗക്കേദിമയിൽ സുഖോവിക്ക് സമീപമാണ് സംഭവം.

അസം റൈഫിൾസിന്റെ വാഹന വ്യൂഹത്തിന് സമീപമാണ് സ്ഫോടകവസ്തു പൊട്ടിത്തെറിച്ചതെന്നാണ് പ്രാഥമിക വിവരങ്ങൾ. സ്ഫോടനത്തിൽ ഒരു ജവാൻ വീരമൃത്യുവരിച്ചതായി കൊഹിമയിലെ പ്രതിരോധ വകുപ്പ് പിആർഒ സ്ഥിരീകരിച്ചിട്ടുണ്ട്.

പരുക്കേറ്റ സൈനികരെ ഉടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചു. ഇവരിൽ ചിലരുടെ പരുക്ക് ഗുരുതരമാണെന്നാണ് സൂചന. ആക്രമണത്തിന് പിന്നിൽ ആരാണെന്നത് സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല. സ്ഫോടനത്തെ തുടർന്ന് മേഖലയിൽ സൈന്യവും സുരക്ഷാ സേനയും ചേർന്ന് വ്യാപക തിരച്ചിൽ ആരംഭിച്ചിട്ടുണ്ട്.

An Assam Rifles jawan was killed and four other soldiers were injured in an Improvised Explosive Device (IED) blast in Nagaland. The explosion targeted a security forces vehicle, leading to the casualties. The injured soldiers have been evacuated for medical treatment, and security operations have been intensified in the area.