ഊട്ടി: കാട്ടുപന്നിയുടെ ആക്രമണത്തില്‍ സ്ത്രീതൊഴിലാളിക്ക് പരുക്കേറ്റു. കോത്തഗിരിയിലെ ഹാപ്പി വാല്യൂ സ്വദേശി സുലൈമാന്റെ ഭാര്യ ഖദീജ (50)നാണ് പരുക്കേറ്റത്.
കോത്തിരിക്ക് സമീപം കാര്‍ചിലിയിലെ തേയിലത്തോട്ടത്തില്‍ നിന്ന് ജോലി കഴിഞ്ഞ് മടങ്ങവേയാണ് ഇവരെ കാട്ടുപന്നി ആക്രമിച്ചത്. ശബ്ദം കേട്ട് മറ്റുതൊഴിലാളികള്‍ എത്തിയതോടെ കാട്ടുപന്നി കാട്ടിലേക്ക് മറഞ്ഞു.
സാരമായി പരുക്കേറ്റ ഖദീജയെ തൊഴിലാളികള്‍ കോത്തഗിരി സര്‍ക്കാര്‍ ആശുപത്രിയിലെത്തിക്കുകയായിരുന്നു. വിവരമറിഞ്ഞ് കോത്തഗിരി റെയ്ഞ്ചര്‍ ശ്രീനിവാസന്റെ നേതൃത്വത്തില്‍ വനം വകുപ്പ് അധികൃതര്‍ ആശുപത്രിയില്‍ ഖദീജയെ സന്ദര്‍ശിച്ചു. നഷ്ടപരിഹാരം ലഭ്യമാക്കാന്‍ നടപടി സ്വീകരിക്കുമെന്ന് അധികൃതര്‍ ഉറപ്പ് നല്‍കി.