തിരുവനന്തപുരം: ഏഴ് തസ്തികകളിലേയ്ക്ക് ഓണ്‍ലൈന്‍ പരീക്ഷ നടത്താന്‍ ഇന്നലെ ചേര്‍ന്ന പി.എസ്.സി യോഗം തീരുമാനിച്ചു.
മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ ഇന്‍ ഫോറന്‍സിക് മെഡിസിന്‍ (ഒന്നാം എന്‍.സി.എ.-ഹിന്ദു നാടാര്‍), അസിസ്റ്റന്റ് പ്രൊഫസര്‍ ഇന്‍ ഫാര്‍മക്കോളജി (ഒന്നാം എന്‍.സി.എ.-എസ്.സി.), അസിസ്റ്റന്റ് പ്രൊഫസര്‍ ഇന്‍ ഫിസിയോളജി (ഒന്നാം എന്‍.സി.എ.-എസ്.സി.), അസിസ്റ്റന്റ് പ്രൊഫസര്‍ ഇന്‍ ബയോകെമിസ്ട്രി (ഒന്നാം എന്‍.സി.എ.-ഒ.ബി.സി.), അസിസ്റ്റന്റ് പ്രൊഫസര്‍ ഇന്‍ ബയോകെമിസ്ട്രി (ഒന്നാം എന്‍.സി.എ.-എസ്.സി.), അസിസ്റ്റന്റ് പ്രൊഫസര്‍ ഇന്‍ ബയോകെമിസ്ട്രി (ഒന്നാം എന്‍.സി.എ.-മുസ്്‌ലിം), അസിസ്റ്റന്റ് പ്രൊഫസര്‍ ഇന്‍ ബയോകെമിസ്ട്രി (ഒന്നാം എന്‍.സി.എ.-എല്‍.സി.എ.ഐ.) എന്നീ തസ്തികകളിലേയ്്ക്കാണ് ഓണ്‍ലൈന്‍ പരീക്ഷ നടത്തുക.
കോട്ടയം ജില്ലയിലെ ഹയര്‍ സെക്കന്‍ഡറി വിദ്യാഭ്യാസ വകുപ്പില്‍ ലബോറട്ടറി അസിസ്റ്റന്റ് (പട്ടികജാതിപട്ടിക വര്‍ഗക്കാരില്‍ നിന്നുള്ള പ്രത്യേക നിയമനം) തസ്തികയിലേയ്ക്ക് സാധ്യതാ പട്ടിക പ്രസിദ്ധീകരിക്കും. മലപ്പുറം ജില്ലയില്‍ വിദ്യാഭ്യാസ വകുപ്പില്‍ ഡ്രോയിങ് ടീച്ചര്‍ (ഹൈസ്‌കൂള്‍), വ്യവസായ പരിശീലന വകുപ്പില്‍ ജൂനിയര്‍ ഇന്‍സ്ട്രക്ടര്‍ (മെക്കാനിക് റെഫ്രിജറേഷന്‍ ആന്‍ഡ് എയര്‍ കണ്ടിഷനിങ്) (പട്ടികജാതി പട്ടികവര്‍ഗക്കാരില്‍ നിന്നുള്ള പ്രത്യേക നിയമനം) എന്നീ തസ്തികകളിലേയ്ക്ക് ചുരുക്ക പട്ടിക പ്രസിദ്ധീകരിക്കാനും യോഗം തീരുമാനിച്ചു.