ഇരിട്ടി: കെ.എസ്.യു നേതാവിനു നേരെ അക്രമം. എം.ജി കോളജിലെ മൂന്നാം വര്‍ഷ ബിരുദ വിദ്യാര്‍ഥിയും കെ.എസ്.യു മുന്‍ യൂനിറ്റ് സെക്രട്ടറിയുമായ അജയ് വി. ജോസഫിന് നേരെയാണ് അക്രമമുണ്ടായത്. അക്രമത്തിനു പിന്നില്‍ എസ്.എഫ്.ഐ പ്രവര്‍ത്തകരാണെന്ന് കെ.എസ്.യു ആരോപിച്ചു. എടൂര്‍ സ്‌കൂള്‍ ഗ്രൗണ്ടിന് സമീപത്ത് വച്ചാണ് സംഭവം. അജയ് വി. ജോസഫിനെ തലശേരി സ്വകാര്യ ആശുപത്രിയില്‍ പ്രവേശിപ്പിച്ചു. ഡി.സി.സി പ്രസിഡന്റ് സതീശന്‍ പാച്ചേനി, കോണ്‍ഗ്രസ് നേതാക്കളായ ഡോ: ഷമാ മുഹമ്മദ്, എം.പി മുരളി, പി.കെ സതീശന്‍, രജനീഷ് കക്കോത്ത്, ആല്‍ബിന്‍ അഗസ്റ്റിന്‍, നിവില്‍ മാനുവല്‍ എന്നിവര്‍ അജയ് വി. ജോസഫിനെ ആശുപത്രിയില്‍ സന്ദര്‍ശിച്ചു. എസ്.എഫ്.ഐ ഗുണ്ടായിസം അവസാനിപ്പിക്കണമെന്ന് ഡി.സി.സി പ്രസിഡന്റ് സതീശന്‍ പാച്ചേനി പ്രസ്താവനയില്‍ ആവശ്യപ്പെട്ടു.