റിയാദ്: സഊദി അരാംകോ തങ്ങളുടെ വിദേശ ഓഫിസ് മേധാവിയായി വനിതയെ നിയമിച്ചു.
ഇതാദ്യമായാണ് ഇത്തരമൊരു തസ്തികയിലേക്ക് സഊദി എണ്ണഭീമന്‍ വനിതയെ നിയമിക്കുന്നത്. അരാംകോ ഏഷ്യ സിംഗപ്പൂര്‍ മേധാവിയായി മര്‍വ അല്‍ ഖുസൈമിനെയാണ് നിയമിച്ചതെന്നാണ് റിപ്പോര്‍ട്ടുകള്‍. നിലവില്‍ അരാംകോ കെമിക്കല്‍ കമ്പനി സപ്ലൈ ചെയിന്‍ ഡയരക്റ്റര്‍ ആയി പ്രവര്‍ത്തിച്ചുവരുകയാണ് ഇവര്‍. അരാംകോ ഏഷ്യ സിംഗപ്പൂര്‍ മേധാവിയായ നാദിര്‍ അല്‍ അര്‍ഫാജിനു പകരമായാണ് പുതിയ നിയമനം.എന്നാല്‍, പുതിയ നിയമന റിപ്പോര്‍ട്ടുകളെ കുറിച്ച് സഊദി അരാംകോ ഇതുവരെ പ്രതികരിച്ചിട്ടില്ല.