കൊല്ലങ്കോട്: പാലക്കാട് ജില്ലാ നെറ്റ് ബോള്‍ അസോസിയേഷന്റേയും കൊല്ലങ്കോട് ശ്രീ നാരായണ പബ്ലിക് സ്‌കൂളിന്റെയും സംയുക്ത ആഭിമുഖ്യത്തില്‍ മൂന്നാമത് ജില്ലാ സബ് ജൂനിയര്‍, ജൂനിയര്‍നെറ്റ് ബോള്‍ ചാംപ്യന്‍ഷിപ്പ് ഇന്ന് കൊല്ലങ്കോട് ശ്രീനാരായണ പബ്ലിക് സ്‌കൂള്‍ ഗ്രൗണ്ടില്‍ നടത്തും. ജി. വിന്‍സന്റ് അധ്യക്ഷനാകും. കെ. ബാബു എം.എല്‍.എ ഉദ്ഘാടനം നിര്‍വഹിക്കും. നെറ്റ് ബോള്‍ അസോസിയഷന്‍ പാലക്കാട് പ്രസിഡന്റ് പ്രൊഫ.സി രാജേഷ്പതാക ഉയര്‍ത്തും. ജില്ലാ പഞ്ചായത്ത് അംഗം കെ. സന്തോഷ് കുമാര്‍ മുഖ്യാതിഥിയായിരിക്കും.
വിജയികള്‍ക്കുള്ള സമ്മാനദാനം കൊല്ലങ്കോട് പൊലിസ് എസ്.ഐ പി.ബി അനീഷ് നിര്‍വഹിക്കും. ജില്ലയുടെ വിവിധ ഭാഗങ്ങളില്‍ നിന്നും 250 പേര്‍ പങ്കെടുക്കുമെന്ന് വാര്‍ത്താസമ്മേളനത്തില്‍ ഭാരവാഹികളായ സി. രാജേഷ്, എ.എസ് സത്യന്‍, ഗിരീഷ് കുമാര്‍ പറഞ്ഞു.