കുന്നംകുളം: ബോയ്‌സ് ഹയര്‍ സെക്കന്‍ഡറി സ്‌കൂള്‍ സ്റ്റേഡിയം ഏഴുകോടി രൂപ ചെലവഴിച്ച് ഖേലോ ഇന്ത്യ പദ്ധതി എട്ടു മാസത്തിനകം നവീകരിക്കുമെന്ന് കായിക യുവജനക്ഷേമ മന്ത്രി എ.സി മൊയ്തീന്‍ പറഞ്ഞു. 179 മീറ്റര്‍ നീളം 92 മീറ്റര്‍ വീതിയിലും എട്ടു ലൈനോടു കൂടിയ സിന്തറ്റിക്ക് ട്രാക്ക് സ്ഥാപിക്കും. ഇതോടൊപ്പം ഡ്രസ്സിങ് റൂം, ടോയ്‌ലറ്റ്, മീഡിയ റൂം എന്നിവ സജ്ജീകരിക്കും. ഫുട്‌ബോള്‍ കോര്‍ട്ടിനുളള സൗകര്യവുമുണ്ടാവും. മുന്‍സിപ്പല്‍ ചെയര്‍പേഴ്‌സണ്‍ സീത രവീന്ദ്രന്‍, കൗണ്‍സിലര്‍മാരായ ഗീത ശശി, ഷാജി ആലിക്കല്‍, മിഷ സെബാസ്റ്റ്യന്‍, നിഷ ജയേഷ്, യുവജനകാര്യ ചീഫ് എന്‍ജിനീയര്‍ എന്‍.മോഹന്‍കുമാര്‍, എക്‌സിക്യൂട്ടീവ് എന്‍ജിനീയര്‍ ആര്‍.ബിജു, സ്‌കൂള്‍ പ്രിന്‍സിപ്പല്‍ കെ.എ.നസീമ പങ്കെടുത്തു.