ദമാം: കിഴക്കൻ പ്രവശ്യയിലെ മാവൂരിലും പരിസര പ്രദേശങ്ങളിലുമുള്ള പ്രവാസികളുടെ കൂട്ടായ്മയായ  മാവൂർ ഏരിയ പ്രവാസി സംഘം (മാപ്‌സ് ദമാം ) അഞ്ചാം വാർഷികം- മാവൂരോത്സവം - 2019 ആഘോഷിച്ചു. അൽ നുസൈഫ്‌ ഓഡിറ്റോറിയത്തിൽ ഉച്ചക്ക് രണ്ടു മണിക്ക് തുടങ്ങിയ പരിപാടികൾ രാത്രി 12 മണി വരെ നീണ്ടുനിന്നു. ഉച്ചക്ക് ശേഷം നടന്ന പായസ മത്സരം വ്യത്യസ്തത കൊണ്ട് ശ്രദ്ധേയമായിരുന്നു. ആയിഷ ഷഹീൻ ഒന്നാം സ്ഥാനവും, അമൃത ശ്രീലാൽ രണ്ടാം സ്ഥാനവും .സജിനി അഫ്താബ് മൂന്നാം സ്ഥാനവും കരസ്ഥമാക്കി.     

          കവിയും സാംസകാരിക പ്രവർത്തകനുമായ ബാപ്പു തേഞ്ഞിപ്പലം, സഹീറ അസ്‌ലം,  മുഹമ്മദ്‌ കുട്ടി മാവൂർ, മുഹമ്മദ്‌ കോയ ജുബാറ, എന്നിവരായിരുന്നു വിധി കർത്താക്കൾ. പിന്നണി ഗായകൻ വിൽസ്വരാജ് നയിച്ച  മെലഡി രാവിൽ ഗാനമേളയിൽ  പ്രവിശ്യയിലെ പ്രമുഖ ഗായകരായ മാനസ മേനോൻ, കരീം മൂവ്വാറ്റുപുഴ, യൂനുസ് കണ്ണൂർ, മനാർ ഫാംക്കോ, ജിൻഷാ ഹരിദാസ്,  ടൈസ ടോണി  എന്നിവരും, പ്രമുഖ അറബിക് സിംഗർ അബ്ദുള്ള ഹമദ് അൽ ഹുവൈമലും പങ്കെടുത്തു.   

      സാംസ്കാരിക സമ്മേളനം പ്രോഗ്രാം കമ്മറ്റി ചെയർമാൻ സലീം ജുബാറയുടെ അധ്യക്ഷതയിൽ അൽമുന സ്കൂൾ ഓഫ് ഗ്രൂപ്പ് ഡയക്ടർ ഡോ: ടി പി മുഹമ്മദ്‌ ഉദ്ഘാടനം ചെയ്തു. ഒഐസിസി ദമാം സെൻട്രൽ കമ്മറ്റി പ്രസിഡന്റ് പിഎം നജീബ്, ഈസ്റ്റേൺ പ്രൊവിൻസ് കെഎംസിസി ജനറൽ സെക്രട്ടറി ആലിക്കുട്ടി ഒളവട്ടൂർ, നവോദയ വെൽഫെയർ വിഭാഗം കൺവീനർ നൗഷാദ് അകോലാത്ത്, എന്നിവർ സംസാരിച്ചു. പ്രമുഖ സാമൂഹിക ജീവകാരുണ്യ പ്രവർത്തകരായ നാസ് വക്കം, ജാഫർ കൊണ്ടോട്ടി, ജാജും സാലം, എന്നിവരെ ചടങ്ങിൽ ആദരിച്ചു. 

      ഈ വർഷത്തെ പ്രളയ ദുരിതാശ്വാസ പ്രവർത്തനങ്ങളിൽ സജീവമായി പങ്കെടുത്ത മാപ്‌സ് പ്രവർത്തകന്മാർക്ക് ചടങ്ങിൽ സർട്ടിഫിക്കറ്റുകൾ വിതരണം ചെയ്തു. ഫ്രാങ്കോ ജോസ്, ബാപ്പു തേഞ്ഞിപ്പലം, മുജീബ് കളത്തിൽ, തോമസ് മാത്യു മാമൂടാൻ, മുഹമ്മദ്‌ മാസ്റ്റർ വളപ്പിൽ, മുഹമ്മദ്‌ കുട്ടി മാവൂർ സംബന്ധിച്ചു. പ്രോഗ്രാം കമ്മറ്റി കൺവീനർ സഹൽ സലീം സ്വാഗതവും ട്രഷറർ ദീപക് ചെറൂപ്പ നന്ദിയും പറഞ്ഞു.

ദമാം ഇന്ത്യൻ സ്കൂളിലെ വിദ്യാർത്ഥികളായ കലാകാരികളുടെയും മാപ്സിലെ കൊച്ചു കുട്ടികളുടെയും നൃത്തനിർത്ത്യങ്ങളും ഒപ്പനയും പരിപാടിയുടെ മാറ്റ് കൂട്ടി. ജിൻഷാ ഹരിദാസ് അവധാരികയായിരുന്നു .         

     പരിപാടിയുടെ ഭാഗമായി നടത്തിയ ഗിഫ്റ്റ് കൂപ്പൺ നറുക്കെടുപ്പിൽ സതീശൻ നാരിയ ഒന്നാം സ്ഥാനവും, ദാവൂദ് ദമാം രണ്ടാം സ്ഥാനവും  ഖമറുന്നീസ ഖോബാർ മൂന്നാം സ്ഥാനവും കരസ്ഥമാക്കി.