പേരാമ്പ്ര: കായണ്ണയില്‍ ഹര്‍ത്താല്‍ അനുകൂലികളായ ബി.ജെ.പി, ആര്‍.എസ്.എസ് പ്രവര്‍ത്തകര്‍ രാവിലെ സ്‌കൂട്ടറില്‍ യാത്ര ചെയ്ത വിദ്യാര്‍ഥിയെ തടയുകയും മര്‍ദിക്കുകയും ചെയ്തു. തുടര്‍ന്ന് പ്രദേശത്ത് വാക്കേറ്റവും സംഘര്‍ഷവുമുണ്ടായി. കായണ്ണ ചാലില്‍ മുക്കിലെ അര്‍ഷാദ് ഇബ്രാഹിമാണ് അക്രമത്തിനിരയായത്. പേരാമ്പ്രയില്‍നിന്ന് പൊലിസ് സ്ഥലത്തെത്തി സ്ഥിതിഗതികള്‍ ശാന്തമാക്കി. 

വൈകിട്ട് ബി.ജെ.പി നടത്തിയ പ്രകടനത്തെ തുടര്‍ന്ന് യൂത്ത് ലീഗ് പ്രവര്‍ത്തകരുമായി സംഘര്‍ഷമുണ്ടായി. സംഭവത്തില്‍ ഇരുപാര്‍ട്ടിയുടെയും പ്രവര്‍ത്തകര്‍ക്ക് നിസാര പരുക്കേറ്റു.
പൊലിസ് ഇടപെട്ടതോടെ പ്രവര്‍ത്തകര്‍ പിരിഞ്ഞു പോവുകയായിരുന്നു.