HOME
DETAILS

പൊലിസുകാര്‍ക്കെതിരായ കേസ്: ചെലവ്പൂര്‍ണമായും ഏറ്റെടുക്കും

  
backup
December 04 2018 | 07:12 AM

%e0%b4%aa%e0%b5%8a%e0%b4%b2%e0%b4%bf%e0%b4%b8%e0%b5%81%e0%b4%95%e0%b4%be%e0%b4%b0%e0%b5%8d%e2%80%8d%e0%b4%95%e0%b5%8d%e0%b4%95%e0%b5%86%e0%b4%a4%e0%b4%bf%e0%b4%b0%e0%b4%be%e0%b4%af-%e0%b4%95%e0%b5%87

തിരുവനന്തപുരം : ഔദ്യോഗിക കൃത്യനിര്‍വഹണത്തിനിടയില്‍ പൊലിസുകാര്‍ക്ക് എതിരേയുണ്ടാകുന്ന കേസുകളുടെ നടത്തിപ്പ് ചിലവ് പൂര്‍ണമായും ഏറ്റെടുക്കുമെന്ന് പൊലിസ് ഓഫിസേഴ്‌സ് അസോസിയേഷന്‍.
ശബരിമലയില്‍ സുപ്രീംകോടതി വിധിയുടെ പശ്ചാത്തലത്തില്‍ നിയമപരിപാലനം നടത്തേണ്ടിവന്ന യതീഷ് ചന്ദ്ര ഉള്‍പ്പെടെയുള്ള ഉദ്യോഗസ്ഥന്മാര്‍ക്കെതിരേ കേസുകള്‍ വന്ന പശ്ചാത്തലത്തിലാണ് തീരുമാനം.
കേസ് നടത്തുന്നതിന് അഡ്വക്കേറ്റിന് നല്‍കുന്ന ഫീസിന്റെ രസീത് സഹിതം പൊലിസ് വെല്‍ഫയര്‍ ബ്യൂറോയിലേക്ക് അപേക്ഷ നല്‍കാനാണ് അസോസിയേഷന്‍ അംഗങ്ങള്‍ക്കായി പുറത്തിറക്കിയ കുറിപ്പില്‍ പറയുന്നത്.
ഔദ്യോഗിക കൃത്യനിര്‍വഹണത്തിന്റെ പേരില്‍ ഉണ്ടാകുന്ന സ്വകാര്യ അന്യായങ്ങള്‍ക്ക് മാത്രമാകും സഹായം നല്‍കുകയെന്നും കുറിപ്പില്‍ പറയുന്നു.
പൊലിസിന് മുന്നില്‍ ജാതിയോ, മതമോ, രാഷ്ട്രീയമോ ഒരു ഘടകമേയല്ലെന്നും പൊലിസിന്റെ ജാതിയും, മതവും, രാഷ്ട്രീയവുമെല്ലാം ' പൊലിസ് മാത്രമാണെന്നും അസോസിയേഷന്‍ ജനറല്‍ സെക്രട്ടറി സി.ആര്‍ ബിജു കുറിപ്പില്‍ വ്യക്തമാക്കി.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."