കല്‍പ്പറ്റ: നിയന്ത്രണംവിട്ട ക്വാളിസ് കാര്‍ റോഡരികിലേക്ക് പാഞ്ഞ് കയറി മൂന്ന് വാഹനങ്ങളില്‍ കൂട്ടിയിടിച്ചു.
കല്‍പ്പറ്റ പുതിയ ബസ് സ്റ്റാന്‍ഡിന് സമീപമാണ് അപകടമുണ്ടായത്. റോഡരികില്‍ നിര്‍ത്തിയിട്ട കാര്‍, ബൈക്ക്, സ്‌കൂട്ടര്‍ എന്നീ വാഹനങ്ങളുമായാണ് കൂട്ടിയിടിച്ചത്. ഒരാള്‍ക്ക് നിസാര പരുക്കേറ്റു. വൈകിട്ട് അഞ്ചോടെയായിരുന്നു അപകടം. ടൗണ്‍ ഭാഗത്ത് നിന്നും വരികയായിരുന്ന ക്വാളിസ് നിയന്ത്രണം വിട്ട് പാഞ്ഞ് കയറുകയായിരുന്നു. ബ്രേക്ക് നഷ്ടപെട്ടതായാണ് സൂചന.
കാര്‍ വേഗതയില്‍ വരുന്നത് ശ്രദ്ധയില്‍ പെട്ട ആളുകള്‍ ഓടി മാറിയതിനാല്‍ വന്‍ ദുരന്തമാണ് ഒഴിവായത്. വാഹനങ്ങളില്‍ ഇടിച്ച ശേഷം ടെലഫോണ്‍ പോസ്റ്റില്‍ ഇടിച്ചാണ് നിന്നത്. തുര്‍ക്കി ബസാര്‍ റോഡ് ജങ്ഷനിലെ കടകള്‍ക്ക് മുന്‍പിലാണ് അപകടം നടന്നത്.