ജിദ്ദ: ജിദ്ദയില്‍ കാറിടിച്ച് മലപ്പുറം സ്വദേശി മരിച്ചു. തൃക്കലങ്ങോട് നാരന്‍കുണ്ട് അബൂബക്കര്‍(59) ആണ് മരിച്ചത്. കിലോ ഏഴിനടുത്ത് അല്‍ റവാബിയില്‍ റോഡിലൂടെ നടന്നുപോകവേ തെറ്റായി ദിശയില്‍ വന്ന കാര്‍ അബൂബക്കറിന് ഇടിച്ച് തെറിപ്പിക്കുകയായിരുന്നു. തല്‍ക്ഷണം മരിച്ചു.

ഇലക്ട്രോണിക് കടയില്‍ ജോലി ചെയ്തുവരികയായിരുന്ന അബൂബക്കര്‍ 28 വര്‍ഷമായി സഊദിയില്‍ പ്രവാസിയാണ്. പിതാവ്: അഹമ്മദ് കുട്ടി, മാതാവ്: സുലൈഖ, ഭാര്യ: ആയിഷ. രണ്ടു പെണ്‍മക്കളുണ്ട്. മഹജര്‍ കിംഗ് അബ്ദുല്‍ അസീസ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നടപടിക്രമങ്ങള്‍ പൂര്‍ത്തിയാക്കി ജിദ്ദയില്‍ ഖബറടക്കും.