റാമല്ല: മസ്ജിദുല്‍ അഖ്‌സയില്‍ ഈയിടെയുണ്ടായ പ്രശ്‌നങ്ങള്‍ക്ക് പിന്നാലെ മൂന്നാമത്തെ ഹറമിന്റെ സേവകനായ ജോര്‍ദാന്‍ രാജാവ് അബ്ദുല്ല രണ്ടാമന്‍ ഫലസ്തീനില്‍ അപൂര്‍വ സന്ദര്‍ശനം നടത്തി. ഫലസ്തീന്‍ പ്രസിഡന്റ് മഹ്്മൂദ് അബ്ബാസുമായി അദ്ദേഹം രണ്ടു മണിക്കൂര്‍ നീണ്ട ചര്‍ച്ച നടത്തി. ചുവന്ന പരവതാനി വിരിച്ചാണ് അബ്ദുല്ല രാജാവിന് ഫലസ്തീന്‍ സ്വീകരണം നല്‍കിയത്. ജോര്‍ദാന്റെ സംരക്ഷണത്തിലുള്ള അഖ്‌സ പള്ളിക്ക് വേണ്ടി 1.4 ദശലക്ഷം ഡോളര്‍ രാജാവ് പ്രഖ്യാപിച്ചിരുന്നു. ജറൂസലമിലെ ഫലസ്തീനികള്‍ക്ക് വേണ്ടി 25 ദശലക്ഷം ഡോളര്‍ മഹ്്മൂദ് അബ്ബാസും പ്രഖ്യാപിച്ചു.