താഴെക്കോട്: അപകടത്തില്‍പെട്ട് നട്ടെല്ലിന് ക്ഷതമേറ്റ യുവാവ് സഹായം തേടുന്നു. ഓട്ടോ ഡ്രൈവറായ താഴെക്കോട് കണക്കണ്ടന്‍ അബ്ദുല്‍ ഖാദറിന്റെ കുടുംബമാണ് ചികിത്സാ സഹായത്തിനായി കനിവ് കാത്തുകഴിയുന്നത്. പെയ്ന്റിങ്ങ് ജോലി ചെയ്തിരുന്ന അബ്ദുല്‍ ഖാദര്‍ ജീവിത പ്രാരാബ്ദത്തില്‍നിന്ന് കരകയറാന്‍ വിദേശത്ത് ജോലി ചെയ്തിരുന്നെങ്കിലും പുരോഗതിയുണ്ടായിരുന്നില്ല.
പിന്നീട് നാട്ടിലെത്തിയ ഇയാള്‍ ഭാര്യയും രണ്ട് മക്കളും അടങ്ങുന്ന കുടുംബത്തെ പോറ്റാന്‍ ഓട്ടോ ഡ്രൈവറായി ജോലി ചെയ്ത് വരികയായിരുന്നു. എന്നാല്‍ കഴിഞ്ഞ മാസം പത്തിന് ഇദ്ദേഹം ഒടിച്ചിരുന്ന ഒട്ടോറിക്ഷ താഴെക്കോട് വെള്ളപ്പാറ റോഡില്‍ ഒരു അപകടത്തില്‍പെട്ട് നട്ടെല്ലിന് ക്ഷതമേറ്റ് കഴുത്തിന് താഴെ ചലനശേഷി നഷ്ടപ്പെട്ടു.
പെരിന്തല്‍മണ്ണ മൗലാനാ ആശുപത്രിയില്‍ ഐ.സി.യുവില്‍ ചികിത്സയിലാണിപ്പോള്‍ ഇദ്ദേഹം. ഇതിനകം തന്നെ ചികിത്സാ ആവശ്യത്തിനായി നാല് ലക്ഷത്തോളം രൂപ ചെലവഴിച്ചു. തുടര്‍ ചികിത്സക്ക് വരുന്ന ഭീമമായ തുടക്ക് മുന്നില്‍ പകച്ച് നില്‍ക്കുകയാണ് ഈ കുടുംബം. അബ്ദുല്‍ ഖാദറിന്റെ ചികിത്സക്ക് പണം കണ്ടെത്തുന്നതിനായി പഞ്ചായത്ത് പ്രസിഡന്റ് എ.കെ നാസര്‍ മാസ്റ്റര്‍ ചെയര്‍മാനും എന്‍.മുഹമ്മദ് കുട്ടി മാസ്റ്റര്‍ കണ്‍വീനറുമായി സമിതി രൂപീകരിച്ചിട്ടുണ്ട്. ഫോണ്‍: 9847821259,8281007852 .