ചാരുംമൂട്: പതിനൊന്നാമത് ഓണാട്ടുകര കാര്‍ഷികോല്‍സവം 21 മുതല്‍ 25 വരെ ചാരുംമൂട് വി.വി.എച്ച്.എസ്.എസ് ഗ്രൗണ്ടില്‍ നടക്കും. 21 ന് വൈകിട്ട് 2.30 ന് വിളംബര ജാഥ. 3.30 ന് ഉദ്ഘാടന സമ്മേളനം മന്ത്രി വി.എസ് സുനില്‍കുമാര്‍ നിര്‍വഹിക്കും. ആര്‍. രാജേഷ് എം.എല്‍.എ. അധ്യക്ഷനാകും. കാര്‍ഷിക പ്രദര്‍ശന ഉദ്ഘാടനം കൊടിക്കുന്നില്‍ സുരേഷ് എം.പി.നിര്‍വഹിക്കും. വൈകിട്ട് 5ന് തിരുവാതിര. തുടര്‍ന്ന് സംഗീത സായാഹ്നം. 22 ന് രാവിലെ 10ന് കാര്‍ഷിക വിഞ്ജാന സദസ് മുന്‍ മന്ത്രി പി.ജെ.ജോസഫ് എം.എല്‍.എ.നിര്‍വഹിക്കും. 23 ന് രാവിലെ 8 മുതല്‍ കന്നുകാലി പ്രദര്‍ശനം. 10 മണി മുതല്‍ ക്ഷീരകര്‍ഷക സംഗമം മന്ത്രി കെ.രാജു ഉദ്ഘാടനം ചെയ്യും. പാലമേല്‍ പഞ്ചായത്ത് പ്രസിഡന്റ് ഓമനാ വിജയന്‍ അധ്യക്ഷനാകും. 24 ന് 11 മുതല്‍ നാടന്‍ ഭക്ഷ്യമേള മന്ത്രി പി. തിലോത്തമന്‍ ഉദ്ഘാടനം ചെയ്യും. യു.പ്രതിഭ എം.എല്‍.എ. അധ്യക്ഷനാകും. മുന്‍ എം.പി. സി.എസ്.സുജാത മുഖ്യ പ്രഭാഷണം നടത്തും. 25ന് വൈകിട്ട് 3.30ന് സമാപന സമ്മേളനം മന്ത്രി ജി.സുധാകരന്‍ ഉദ്ഘാടനം ചെയ്യും.
ബ്ലോക്ക് പഞ്ചായത്ത് പ്രസിഡന്റ് രജനി ജയദേവ് അധ്യക്ഷനാകും. ജില്ലാ പഞ്ചായത്ത് പ്രസിഡന്റ് ജി.വേണുഗോപാല്‍ സമ്മാനദാനം നിര്‍വഹിക്കും.