കണ്ണൂര്‍: പറശ്ശിനിക്കടവിലെ ലോഡ്ജില്‍ കൂട്ട പീഡനത്തിനിരയായ പെണ്‍കുട്ടിയുടെ സുപ്രധാന സ്‌കൂള്‍ രേഖ എടുത്തുമാറ്റിയ സംഭവത്തില്‍ ക്ലര്‍ക്കിനെ പൊലിസ് കസ്റ്റഡിയിലെടുത്തു. ജില്ലയിലെ ഒരു സ്‌കൂളിലെ ക്ലര്‍ക്കായ ചാലാട് സ്വദേശിയെ ആണ് വളപട്ടണം പൊലിസ് കസ്റ്റഡിയിലെടുത്തത്.
പീഡനത്തിനിരയായ ദിവസങ്ങളില്‍ പെണ്‍കുട്ടി ഹാജരായിരുന്നില്ലെന്ന് തെളിയിക്കുന്ന ഹാജര്‍ പട്ടികക്ക് വളപട്ടണം പൊലിസ് സ്‌കൂളിനെ സമീപിച്ചിരുന്നു. രേഖകളുടെ പകര്‍പ്പെടുക്കാന്‍ ഹാജര്‍ പട്ടിക ക്ലര്‍ക്കിന് കൈമാറിയിരുന്നു. എന്നാല്‍ രേഖകള്‍ തിരിച്ചെത്തിയപ്പോള്‍ ഹാജര്‍പട്ടികയിലെ മൂന്നു പേജുകള്‍ നഷ്ടപ്പെട്ടതായും പെണ്‍കുട്ടിയുടെ ഹാജരുമായി ബന്ധപ്പെട്ട പേജുകളാണ് നഷ്ടപ്പെട്ടതെന്നും ചൂണ്ടിക്കാട്ടി പ്രധാന അധ്യാപിക പൊലിസില്‍ പരാതി നല്‍കുകയായിരുന്നു.