ന്യൂഡല്‍ഹി: ഗുജറാത്ത് രാജ്യസഭാ തെരഞ്ഞെടുപ്പില്‍ അഹ്മദ് പട്ടേലിന്റെ നാടകീയ ജയത്തിന് വഴിയൊരുക്കിയ തെരഞ്ഞെടുപ്പ് കമ്മീഷന്റെ നടപടിക്ക് ദൈവത്തിന് നന്ദി പറഞ്ഞ് കോണ്‍ഗ്രസ് അധ്യക്ഷ സോണിയ ഗാന്ധി. പട്ടേലിന്റെ വിജയത്തില്‍ തനിക്കേറെ സന്തോഷമുണ്ടെന്ന് പറഞ്ഞ സോണിയ വിജയം തനിക്ക ഏറെ ആശ്വാസം പകര്‍ന്നെന്നും കൂട്ടിച്ചേര്‍ത്തു. എന്‍.ഡി.ടിവിക്കു നല്‍കിയ അഭിമുഖത്തിലാണ് സോണിയയുടെ പ്രതികരണം.  സോണ്യയുടെ വലംകയ്യാണ് അഹ്മദ് പട്ടേല്‍.

ദിവസങ്ങള്‍ നീണ്ട നാടകീയ രാഷ്ട്രീയ നീക്കങ്ങള്‍ക്കൊടുവിലായിരുന്നു അഹ്മദ് പട്ടേലിന്റെ ജയം. കൂറുമാറി ബി.ജെ.പിക്ക് വോട്ടുചെയ്ത രണ്ട് കോണ്‍ഗ്രസ് എം.എല്‍.എമാരുടെ വോട്ട് തെരഞ്ഞെടുപ്പു കമീഷന്‍ റദ്ദാക്കിയതാണ് പട്ടേലിന്റെ ജയത്തിന് കളമൊരുക്കിയത്. കോണ്‍ഗ്രസിലെ രാഘവ്ജി പട്ടേല്‍, ഭോലാബായ് ഗോഹില്‍ എന്നിവരുടെ വോട്ടുകളാണ് തെരഞ്ഞെടുപ്പു കമ്മീഷന്‍ റദ്ദാക്കിയത്.