മുക്കം: 35 എല്‍.എസ്.ഡി സ്റ്റാമ്പുകളുമായി കൊടിയത്തൂര്‍ സ്വദേശി പുളിക്കല്‍മുക്കത്ത് ബാദുഷ (24) മുക്കം പൊലിസിന്റെ പിടിയിലായി. റൂറല്‍ എസ്.പി ജി. ജയദേവിനു ലഭിച്ച രഹസ്യവിവരത്തിന്റെ അടിസ്ഥാനത്തില്‍ താമരശ്ശേരി ഡിവൈ.എസ്.പി പി. ബിജുരാജിന്റെ നിര്‍ദേശപ്രകാരം മുക്കം എസ്.ഐ കെ.പി അഭിലാഷും ജില്ലാ ആന്റി നാര്‍ക്കോട്ടിക് സ്‌ക്വാഡ് അംഗങ്ങളും ചേര്‍ന്നാണു പ്രതിയെ പിടികൂടിയത്. സ്റ്റാമ്പുകള്‍ക്ക് വിപണിയില്‍ ഒരു ലക്ഷം രൂപയിലധികം വിലവരുമെന്ന് പൊലിസ് അറിയിച്ചു. ലഹരിക്കടത്ത് കേസില്‍ മുന്‍പും ബാദുഷ പിടിയിലായിട്ടുണ്ട്. മുക്കം എസ്.ഐ കെ.പി അഭിലാഷ്, താമരശ്ശേരി ഡിവൈ.എസ്.പിയുടെ കീഴിലുള്ള ജില്ലാ ലഹരിവിരുദ്ധ സേനാംഗങ്ങളും മുക്കം പൊലിസ് സ്റ്റേഷനിലെ പൊ ലിസ് സംഘവും ചേര്‍ന്നാണ് പ്രതിയെ പിടികൂടിയത്.