വേങ്ങര: മദ്യവും ലഹരിമരുന്നും നല്‍കി പതിനഞ്ചുകാരനെ പ്രകൃതിവിരുദ്ധ പീഡനത്തിരയാക്കിയ യുവാക്കള്‍ക്കെതിരേ പൊലിസ് കേസെടുത്തു. അരീക്കുളം സ്വദേശികളായ റഷീദ് (39), സുബൈര്‍ (36) എന്നിവര്‍ക്കെതിരേയാണ് മലപ്പുറം സി.ഐ എ. പ്രേംജിത്തിന്റെ നേതൃത്വത്തില്‍ കേസെടുത്തത്.
ശിശുക്ഷേമ സമിതി നല്‍കിയ പരാതിയുടെ അടിസ്ഥാനത്തില്‍ വേങ്ങര എസ്.ഐ കെ. അബ്ദുല്‍ ഹക്കീമും സംഘവും നടത്തിയ അന്വേഷണത്തിലാണ് പ്രതികളെ പിടികൂടിയത്. പ്രതികള്‍ മദ്യവും ലഹരിമരുന്നുകളും നല്‍കി നാലു മാസത്തോളമായി ബാലനെ പ്രകൃതിവിരുദ്ധ പീഡനത്തിനിരയാക്കിയിരുന്നു. സി.പി.ഒമാരായ ഷിബുലാല്‍, മുജീബ്, സജീര്‍ എന്നിവരും അന്വേഷണ സംഘത്തിലുണ്ടായിരുന്നു.