ഗൂഡല്ലൂര്‍: മുതുമല കടുവാസംരക്ഷണ കേന്ദ്രത്തിലെ ശിങ്കാര, സീഗൂര്‍ റെയ്ഞ്ചുകളില്‍ കടുവകളുടെ കണക്കെടുപ്പ് തുടങ്ങി.
35 സംഘങ്ങളായി തിരിഞ്ഞ് പ്രത്യേക പരിശീലനം ലഭിച്ച വനം വകുപ്പ് ജീവനക്കാര്‍, സന്നദ്ധ സംഘടനാ പ്രവൃത്തകര്‍ തുടങ്ങിയവരാണ് കണക്കെടുപ്പ് നടത്തുന്നത്. കല്ലംപാളയം ഭാഗത്ത് മൂന്ന് കടുവകളെയും പുലികളെയും കരടികളെയും വനം വകുപ്പ് ജീവനക്കാര്‍ കഴിഞ്ഞ മാസം കണ്ടെത്തിയിരുന്നു. ഇതേത്തുടര്‍ന്നാണ് കണക്കെടുപ്പ് നടത്താന്‍ തീരുമാനിച്ചത്. എ.സി.എഫ് പുഷ്പാകരന്‍, റെയ്ഞ്ചര്‍മാരായ ശെല്‍വം, കാന്തന്‍, മാരിയപ്പന്‍ എന്നിവരുടെ മേല്‍ നോട്ടത്തിലാണ് കണക്കെടുപ്പ്. 321 ചതുരശ്ര കിലോമീറ്റര്‍ ചുറ്റളവിലുണ്ടായിരുന്ന മുതുമല ഇപ്പോള്‍ സീഗൂര്‍, ശിങ്കാര, തെങ്കുമാറട എന്നി റെയ്ഞ്ചുകളെ കൂടി മുതുമലയിലേക്ക് ചേര്‍ത്തതോടെ 688 ചതുരശ്ര കിലോമീറ്റര്‍ ചുറ്റളവായിമാറിയിരിക്കുകയാണ്.