മലപ്പുറം: കേരളാ പാരന്റ്‌സ് അസോസിയേഷന്‍ ഓഫ് ഹിയറിങ് ഇംപയേര്‍ഡിന്റെ ആഭിമുഖ്യത്തില്‍ ജില്ലാ സമ്മേളനവും ബധിര സംഗമവും നാളെ വാറങ്കോട് ഇസ്‌ലാഹിയ ഇംഗ്ലീഷ് മീഡിയം ഹയര്‍സെക്കന്‍ഡറി സ്‌കൂള്‍ ഓഡിറ്റോറിയത്തില്‍ നടക്കും. ബധിര പ്രയാസം അനുഭവിക്കുന്നവരുടെ വൈവാഹിക പ്രശ്‌നങ്ങള്‍ക്കു പരിഹാരം കാണുകയും അനുയോജ്യരായ ജീവിതപങ്കാളിയെ കണ്ടത്തി വിവാഹ മുന്നൊരുക്കങ്ങള്‍ നടത്തുന്നതിനുള്ള അവസരമൊരുക്കുകയുമാണ് സംഗമത്തിന്റെ ലക്ഷ്യം.  എസ്.എസ്.എല്‍.സി, പ്ലസ്ടു, ഡിഗ്രി, കലാകായിക മത്സരങ്ങള്‍ എന്നിവയില്‍ മികച്ച വിജയം നേടിയ ബധിര വിദ്യാര്‍ഥികളെ ആദരിക്കും. പി. ഉബൈദുല്ല എം.എല്‍.എ ഉദ്ഘാടനം ചെയ്യും. മലപ്പുറം നഗരസഭാ ചെയര്‍പേഴ്‌സണ്‍ സി.എച്ച് ജമീല, സാമൂഹിക നീതി ജില്ലാ ഓഫീിസര്‍ തസ്‌നി സംബന്ധിക്കും. വാര്‍ത്താസമ്മേളനത്തില്‍ ഇ. അബ്ബാസ്, നിഷാ രവീദ്രന്‍, കരീം മാസ്റ്റര്‍, അക്ബര്‍, സുലൈമാന്‍ സംബന്ധിച്ചു.