തൃശൂര്‍: ജനറല്‍ ആശുപത്രിയില്‍ ഓക്‌സിജന്‍ സിലിണ്ടറില്‍ നിന്ന് തീ പടര്‍ന്നത് ആശങ്ക പടര്‍ത്തി. ഉച്ചയ്ക്ക് 12 ഓടെയാണ് പ്രസവ വാര്‍ഡിന് താഴെ ഐ.സി.യുവിന് സമീപം ഓക്‌സിജന്‍ സിലിണ്ടര്‍ വെച്ചിരുന്ന മുറിയില്‍ നിന്ന് ശബ്ദത്തോടെ തീ പടര്‍ന്നത്. ഇതോടെ രോഗികളെല്ലാം പരിഭ്രാന്തരായി ഓടി. സിലിണ്ടറിന്റെ വാല്‍വില്‍ നിന്ന് ഓക്‌സിജന്‍ ലീക്കായി തീ പിടിച്ചതാണ് അപകട കാരണം.
ഉടന്‍ തന്നെ ഫയര്‍ഫോഴ്‌സ് സ്ഥലത്തെത്തി തീയണച്ചതിനാല്‍ സിലിണ്ടര്‍ പൊട്ടിത്തെറിച്ച് അപകടമുണ്ടാകുന്നത് ഒഴിവായി. തീ പടര്‍ന്ന ഉടന്‍ തന്നെ ഐ.സി.യു, പ്രസവ വാര്‍ഡ് അടക്കമുള്ളവിടങ്ങളില്‍ നിന്ന് രോഗികളെ പുറത്തിറക്കി സുരക്ഷിതരാക്കിയിരുന്നു. സംഭവത്തില്‍ ആര്‍ക്കും പരുക്കില്ല.