അമ്പലവയല്‍: അന്താരാഷ്ട്ര ചക്കമഹോത്സവത്തിന്റെ ഔദ്യോഗിക ഉദ്ഘാടന ചടങ്ങുകള്‍ ഇന്ന് അമ്പലവയല്‍ മേഖലാ കാര്‍ഷിക ഗവേഷണ കേന്ദ്രത്തില്‍ നടക്കും. വൈകുന്നേരം നാലിന് നിയമസഭാ സ്പീക്കര്‍ പി ശ്രീരാമകൃഷ്ണന്‍ ഉദ്ഘാടനം ചെയ്യും.
കൃഷിവകുപ്പ് മന്ത്രി വി.എസ് സുനില്‍കുമാര്‍ അധ്യക്ഷനാകും. എം.ഐ ഷാനവാസ് എം.പി മുഖ്യ പ്രഭാഷണം നടത്തും. അഡ്വ.കെ രാജന്‍ എം.എല്‍.എ വിഷയാവതരണം നടത്തും. ഐ.സി ബാലകൃഷ്ണന്‍ എം.എല്‍.എ പ്രദര്‍ശനം ഉദ്ഘാടനം ചെയ്യും. സി.കെ ശശീന്ദ്രന്‍ എം.എല്‍.എ കര്‍ഷകരെ ആദരിക്കും. ഒ.ആര്‍ കേളു എം.എല്‍.എ പരിശീലന പരിപാടികളുടെ ഉദ്ഘാടനം നിര്‍വഹിക്കും.
ജില്ലാ പഞ്ചായത്ത് പ്രസിഡന്റ് ടി ഉഷാകുമാരി, ജില്ലാ കലക്ടര്‍ എസ് സുഹാസ്, കേരള കാര്‍ഷിക സര്‍വകലാശാല വൈസ് ചാന്‍സലര്‍ ഡോ.പി രാജേന്ദ്രന്‍, കര്‍ഷകക്ഷേമ വകുപ്പ് പ്രിന്‍സിപ്പല്‍ സെക്രട്ടറി ടിക്കാറാം മീണ, കാര്‍ഷിക-കര്‍ഷകക്ഷേമ വകുപ്പ് ഡയറക്ടര്‍ എ.എം സുനില്‍കുമാര്‍, ഓര്‍ഗനൈസിങ് കമ്മിറ്റി കണ്‍വിനര്‍ ഡോ.പി രാജേന്ദ്രന്‍ തുടങ്ങിയവര്‍ സംസാരിക്കും.