ഗൂഡല്ലൂര്‍: ഗൂഡല്ലൂര്‍ നഗരത്തില്‍ വിവിധ പാതകളില്‍ പൊലിസ് സ്ഥാപിച്ച ഡിവൈഡറുകള്‍ പൊതുജനങ്ങള്‍ക്കും വാഹനങ്ങള്‍ക്കും പ്രയാസം സൃഷ്ടിക്കുന്നതായി പരാതി.
രണ്ട് മാസം മുമ്പാണ് ഡിവൈഡറുകള്‍ സ്ഥാപിച്ചത്. നഗരത്തില്‍ പത്ത് ബാങ്കുകളും സ്വകാര്യ സ്‌കൂളുകളും സര്‍ക്കാര്‍ സ്‌കൂളുകളും എടിഎം കൗണ്ടറുകളും ധാരാളം വ്യാപാര സ്ഥാപനങ്ങളും ആശുപത്രികളും പ്രവര്‍ത്തിക്കുന്നുണ്ട്. ഈ സ്ഥാപനങ്ങളിലേക്ക് പോകാന്‍ ഡിവൈഡറുകള്‍ തടസം സൃഷ്ടിക്കുന്നതായാണ് പരാതി. റോഡിന് മതിയായ വീതിയില്ലാത്തത് കാരണമാണ് പ്രയാസം നേരിടുന്നത്. റോഡിന് മതിയായ വീതിയുണ്ടെങ്കില്‍ ഡിവൈഡര്‍ പ്രയാസമാകില്ല. ഡിവൈഡര്‍ കാരണം ഇവിടെ പലപ്പോഴും ചെറു വാഹനങ്ങള്‍ അപകടത്തില്‍പ്പെടുന്നുണ്ട്. സഞ്ചാരികളുടെ വാഹനങ്ങളാണ് അപകടത്തില്‍പ്പെടുന്നത്. ഡിവൈഡറുകള്‍ ഗതാഗത തടസം സൃഷ്ടിക്കുന്നതായും പരാതി ഉയര്‍ന്നിട്ടുണ്ട്.