ദുബൈ : സമസ്ത സെക്രട്ടറിയും കടമേരി റഹ് മാനിയ്യ പ്രിന്‍സിപ്പളും സുപ്രഭാതം ചെയര്‍മാനുമായിരുന്ന കോട്ടുമല ബാപ്പു മുസ്‌ലിയാരെ അനുസ്മരിച്ച് ദുബൈയില്‍ നടന്ന രണ്ടാമത് ആണ്ട് അനുസ്മരണ സംഗമം ജന പങ്കാളിത്തം കൊണ്ട് ശ്രദ്ധേയമായി.

കടമേരി റഹ്മാനിയ്യ യു.എ.ഇ കമ്മിറ്റിയും ഗള്‍ഫ് സത്യധാരയും സംയുക്തമായി ദുബായിലെ അല്‍ ഉവൈസ് ഓഡിറ്റോറിയത്തില്‍ സംഘടിപ്പ സംഗമം സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്തു.

സമസ്തയ്ക്കും സമുദായത്തിനും വേണ്ടി സദാ കര്‍മ്മ നിര്‍മ്മതരനായിരുന്ന പണ്ഡിതനായിരുന്നു ബാപ്പു മുസ്ലിയാരെന്ന് അദ്ധേഹം അനുസ്മരിച്ചു.

പലരെ പറ്റിയും നാം വിശ്രമമില്ലാത്ത പ്രവര്‍ത്തനം നടത്തുന്നവര്‍ എന്ന് പറയാറുണ്ടെങ്കിലും അത് അക്ഷരാര്‍ത്ഥത്തില്‍ അന്വര്‍ത്ഥമാക്കുന്ന ജീവിതമായിരുന്നു ബാപ്പു മുസ്ലിയാരുടെതെന്ന് തങ്ങള്‍ വിശദീകരിച്ചു.

ആലപ്പുഴ വെച്ച് സമസ്തയുടെ 90 ാം വാര്‍ഷിക സമ്മേളനം നടക്കുന്‌പോള്‍ ബാപ്പു മുസ്‌ലിയാര്‍ ഹജ്ജ് കമ്മിറ്റി ചെയര്‍മാനായിരുന്നു. ആലപ്പുഴ സമ്മേളനത്തിന്റെ മുഖ്യ സംഘാടകനായി പ്രവര്‍ത്തിക്കുമ്പോള്‍ തന്നെ അദ്ധേഹം നിരന്തരം കോഴിക്കോട്ടേക്കും തിരിച്ച് ആലപ്പുഴയിലേക്കും യാത്ര ചെയ്യുമായിരുന്നു.
കൂടാതെ ഇതിനിടെയുള്ള സമസ്ത വിദ്യഭ്യാസ ബോര്‍ഡ് , ഫത്‌വാ കമ്മിറ്റി ,സമസ്ത കീഴ്ഘടകങ്ങള്‍ തുടങ്ങിയവയുടെ വിവിധ യോഗങ്ങള്‍ക്ക് വേണ്ടിയും ഇപ്രകാരം നിരന്തരം യാത്ര ചെയ്യും. ഈ നിരന്തര യാത്ര അല്പം കുറക്കുന്നതിനെ കുറിച്ച് സംസാരിച്ചപ്പോള്‍ ഉത്തരവാദിത്വം തലയിലിരിക്കുമ്പോള്‍ എങ്ങനെ അതിനു കഴിയുമെന്നാണദ്ധേഹം പ്രതികരിച്ചത് തങ്ങള്‍ പറഞ്ഞു.

എത്ര ത്യാഗം സഹിച്ചും ഉത്തരവാദിത്വം നിറവേറ്റാന്‍ ബാപ്പു മുസ്‌ലിയാര്‍ ശ്രദ്ധിച്ചിരുന്നു ഒരു നേതാവിന്റെ ലീഡര്‍ ഷിപ്പ് ഗുണമാണമാണത് . ഏറ്റെടുത്തത് വിജയിപ്പിക്കുന്നവരെ പൂര്‍ണ്ണമായും അദ്ദേഹം ഇടപെടും. അല്ലാഹു അവന്റെ മഹാന്മാരായ ഉലമാഇന് നല്‍കുന്ന പ്രത്യേകത കൂടിയാണത് .
വിശുദ്ധ ദീനിന് വേണ്ടി പ്രവര്‍ത്തിക്കുമ്പോള്‍ അവര്‍ക്ക് ഇലാഹിയായ ഒരു സഹായം കൂടിയുണ്ടാകും.

യഥാര്‍ത്ഥ പണ്ഢിതന്മാര്‍ വിലായത്തുള്ളവര്‍ കൂടിയാണ്. പക്ഷേ അവരത് പ്രകടിപ്പിക്കാന്‍ ഇഷ്ടപ്പെടില്ല സമസ്തയുടെ മുന്‍ കാല പണ്ഢിതന്മാരെല്ലാം അങ്ങിനെയാണ്. ഉദാഹരണങ്ങള്‍ നിരത്തി സയ്യിദുല്‍ ഉലമ വിശദീകരിച്ചു.

അല്ലാഹു തൃപ്തിപ്പെട്ട പണ്ഢിതര്‍ക്ക് അവന്‍ കാര്യങ്ങളെല്ലാം എളുപ്പമാക്കികൊടുക്കും. മുന്‍കാലങ്ങളില്‍ മഹാന്മാര്‍ ഗ്രന്ഥ രചനകള്‍ നടത്തിയത് അങ്ങിനെയാണ്.

സുപ്രഭാതം എന്ന പത്രത്തിന്റെ ഇന്നത്തെ വളര്‍ച്ചക്കു പിന്നിലും അത് ഇപ്രകാരം രൂപപ്പെടുത്തിയതിനു പിന്നിലും ബാപ്പു മുസ്ലിയാര്‍ ചെയ്ത സേവനങ്ങള്‍ അതുല്ല്യമാണ്.
സുപ്രഭാതത്തിന്റെ വളര്‍ച്ചയുടെ ചാലക ശക്തി തന്നെ ബാപ്പു മുസ്ലിയാരാണ്.
പത്രം വലിയ ജനസമ്മിതിയോടെ ഇത്രയും വളരാന്‍ കാരണം സമസ്തയുമായുള്ള പത്രത്തിന്റെ ബന്ധവും ബാപ്പു മുസ്ലിയാരുടെ നേതൃ കഴിവും ദീര്‍ഘവീക്ഷണവും സേവനവുമാണ്. തങ്ങള്‍ വിശദീകരിച്ചു.

സമസ്ത സെക്രട്ടറി എം ടി അബ്ദുല്ല മുസ്‌ലിയാര്‍ മുഖ്യപ്രഭാഷണം നടത്തി. കടമേരി റഹ്മാനിയ്യ യു. എ.ഇ കമ്മിറ്റി പ്രസിഡന്റ് ഇബ്രാഹിം മുറിച്ചാണ്ടി അധ്യക്ഷത വഹിച്ചു.

സയ്യിദ് അബ്ദുല്‍ റഹ്മാന്‍ തങ്ങള്‍,കായക്കൊടി ഇബ്രാഹിം മുസ്‌ലിയാര്‍ , പി കെ അന്‍വര്‍ നഹ, ഷൗക്കത്ത് ഹുദവി, ഖാദര്‍ ഫൈസി ,ളിയാഉദ്ധീന്‍ ഫൈസി,കുറ്റിക്കണ്ടി അബൂബക്കര്‍, വലിയാണ്ടി അബ്ദുല്ല, കടോളി അഹമ്മദ്, പാറക്കല്‍ മുഹമ്മദ്, ടി.കെ.സി അബ്ദുല്‍ ഖാദര്‍ ഹാജി , ഹാരിസ് ബാഖവി,എന്‍. വി മുഹമ്മദ് ഫൈസി,അബ്ദുല്ല റഹ്മാനി,വാജിദ് റഹ്മാനി, റഫീഖ് റഹ്മാനി,ടി.വി പി മുഹമ്മദലി,ഒ. കെ ഇബ്രാഹിം , ചീളിയില്‍ മുഹമ്മദ്, ഇസ്മായീല്‍ ഏറാമല,മന്‍സൂര്‍ മൂപ്പന്‍, ,അച്ചൂര്‍ ഫൈസി, അലവിക്കുട്ടി ഫൈസി മുതുവല്ലൂര്‍ , ,തെക്കയില്‍ മുഹമ്മദ് സംബന്ധിച്ചു. സ്വാഗത സംഘം കണ്‍വീനര്‍ മിദ്‌ലാജ് റഹ്മാനി സ്വാഗതവും കടമേരി റഹ്മാനിയ്യ യു.എ.ഇ കമ്മിറ്റി സെക്രട്ടറി പി. കെ അബ്ദുല്‍ കരീം നന്ദിയും പറഞ്ഞു.