കോട്ടയം: കേന്ദ്ര-സംസ്ഥാന സര്‍ക്കാരുകളുടെ ജനദ്രോഹ നയത്തിനെതിരേ ജില്ലയില്‍ വിവിധ കേന്ദ്രങ്ങളില്‍ മുസ്‌ലിം ലീഗ് സമരസംഗമം ഇന്ന് നടക്കും. കോട്ടയം നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ വൈകിട്ട് അഞ്ചിന് ഗാന്ധി സ്‌ക്വയറില്‍ സമരസംഗമം നടക്കുമെന്ന് പ്രസിഡന്റ് എ.എ ലത്തീഫ്, സെക്രട്ടറി ഫാറൂഖ് പാലപ്പറമ്പില്‍ എന്നിവര്‍ അറിയിച്ചു. ലീഗ് ഈരാറ്റുപേട്ട മേഖലാ കമ്മിറ്റി, മുനിസിപ്പല്‍ കമ്മിറ്റി എന്നിവയുടെ സംയുക്താഭിമുഖ്യത്തില്‍ വൈകിട്ട് അഞ്ചിന് സെന്‍ട്രല്‍ ജങ്ഷനില്‍ സമര സംഗമം നടക്കുമെന്ന് മേഖലാ സെക്രട്ടറി അനി വെട്ടിക്കല്‍, മുനിസിപ്പല്‍ സെക്രട്ടറി വി.പി നാസര്‍ എന്നിവര്‍ അറിയിച്ചു. സമരസംഗമം ജില്ലാ ലീഗ് പ്രസിഡന്റ് പി.എം ഷരീഫ് ഉദ്ഘാടനം ചെയ്യും.