തൃപ്രയാര്‍: ഹൃദയ ശസ്ത്രക്രിയ കഴിഞ്ഞ് വിശ്രമിക്കുന്ന മാതാവ് നഫീസയെ കാണാന്‍ ഒന്നര മാസത്തിനു ശേഷം ഷൈന വീണ്ടും വീട്ടിലെത്തി. മാനന്തവാടിയിലെ കേസ് നടക്കുന്ന കല്‍പ്പറ്റ കോടതിയുടെ പ്രത്യേകാനുമതിയോടെയാണ് കോയമ്പത്തൂര്‍ ജയിലില്‍ നിന്ന് ഷൈനയെ വീട്ടിലെത്തിച്ചത്. പത്തംഗ തണ്ടര്‍ ബോള്‍ട്ട് സംഘത്തിന്റെ സുരക്ഷയില്‍ മാനന്തവാടി സി.ഐ കെ.സുനില്‍ ലാലിന്റെ നേതൃത്വത്തില്‍ ഇന്നലെ രാവിലെ ഏഴിനാണു ജയിലില്‍നിന്ന് ഷൈനയെ പുറത്തിറക്കിയത്. പത്തിനു വലപ്പാട്ടെ വീട്ടിലെത്തി.