നിലമ്പൂര്‍: ചെട്ടിയങ്ങാടിയിലെ ഗവ.മോഡല്‍ യു.പി സ്‌കൂള്‍ വിട്ടീക്കുത്ത് ഗവ.എല്‍.പിസ്‌കൂളിലേക്ക് മാറ്റുന്നതിന് സംബന്ധിച്ച് അധികൃതര്‍ സ്‌കൂളുകള്‍ പരിശോധിച്ചു. നിലമ്പൂര്‍ എ.ഇ.ഒ പി.വിജയനും സംഘവുമാണ് ഇന്നലെ സ്ഥലം സന്ദര്‍ശിച്ചത്.
റിപ്പോര്‍ട്ട് നാളെ വിദ്യാഭ്യാസ വകുപ്പിന് സമര്‍പ്പിക്കും. രക്ഷിതാക്കളും നാട്ടുകാരും നിരന്തരമായി ആവശ്യപ്പെട്ടതിനെ തുടര്‍ന്ന് നഗരത്തിലെ യു.പിസ്‌കൂള്‍ വീട്ടിക്കുത്ത് ഗവ.എല്‍.പി സ്‌കൂളിലേക്ക് മാറ്റി സ്ഥാപിക്കണമെന്നാവശ്യപ്പെട്ട് പി.വി അന്‍വര്‍ എം.എല്‍.എ മുഖ്യമന്ത്രിക്ക് നിവേദനം നല്‍കിയിരുന്നു. നിലവിലെ യു.പി സ്‌കൂളിന്റെ സ്ഥലം ജില്ലാ ആശുപത്രിയുടെ വികസന പ്രവര്‍ത്തനങ്ങള്‍ക്ക് ഉപയോഗിക്കാമെന്നും നിവേദനത്തില്‍ സൂചിപ്പിച്ചിരുന്നു.
ഇതേ തുടര്‍ന്ന് മുഖ്യമന്ത്രി വിദ്യാഭ്യാസ വകുപ്പിനോട് റിപോര്‍ട്ട് ആവശ്യപ്പെടുകയായിരുന്നു.കെട്ടിടങ്ങളും അനുബന്ധ സൗകര്യങ്ങളും ഒരുക്കിയാല്‍ വീട്ടിക്കുത്തിലേക്ക് മാറ്റുന്നതിന് തടസ്സമില്ലെന്ന നിലപാടാണ് രക്ഷിതാക്കള്‍ക്കും അധികൃതര്‍ക്കും ഉള്ളതെന്നാണ് വിലയിരുത്തപ്പെടുന്നത്.