അമ്പലപ്പുഴ: വൃദ്ധ സദനത്തില്‍ ഓണം ആഘോഷിച്ച് സ്വയം സഹായ സംഘം പ്രവര്‍ത്തകര്‍. വണ്ടാനം എളിമ പുരുഷ സ്വയം സഹായ സംഘമാണ് ഒന്നാം വാര്‍ഷികവും ഓണാഘോഷവും വാടക്കല്‍ രാജീവ് ഗാന്ധി വൃദ്ധസദനത്തിലെ അന്തേവാസികള്‍ക്കൊപ്പം ആഘോഷിച്ചത്.
പച്ചക്കറി കൃഷി, പഠനോപകരണ വിതരണം, രകതദാനം തുടങ്ങിയവ സംഘം നടത്തിയിരുന്നു .ഇത്തവണ അംഗങ്ങള്‍ സ്വയം പണം സമാഹരിച്ച് വൃദ്ധസദനത്തിലെ പതിനൊന്ന് അന്തേവാസികള്‍ക്ക് ഓണക്കോടിയും, ഓണസദ്യയും നല്‍കുകയായിരുന്നു. 4 ജീവനക്കാര്‍ക്കും പ്രവര്‍ത്തകര്‍ ഓണക്കോടി നല്‍കി.
ഇന്നലെ വൃദ്ധസദനത്തില്‍ നടന്ന ചടങ്ങില്‍ കയര്‍ തൊഴിലാളി ക്ഷേമനിധി ബോര്‍ഡ് ചെയര്‍മാന്‍ കെ കെ.ദിനേശന്‍ ഓണക്കോടി വിതരണം ചെയ്തു.
സംഘം പ്രസിഡന്റ് കെബി മുരളീധരന്‍ കുരിക്കാ പറമ്പ് അദ്ധ്യക്ഷത വഹിച്ചു.ഗ്രാമപഞ്ചായത്ത് അംഗം എസ് ഹാരീസ്, കയര്‍ തൊഴിലാളി ക്ഷേമനിധി ബോര്‍ഡ് എക്‌സി.ഓഫീസര്‍ പി വി ഷാജി, സംഘം സെക്രട്ടറി എസ്.പ്രസേനന്‍, കെ കെ.ശൈലേന്ദ്രന്‍ ,വി സ്.സാബു. നിസ്സാര്‍ വെള്ളാപള്ളി, വേണുഗോപാലപിള്ള, എ ആര്‍ മഹേന്ദ്രന്‍ ,കെ കെ വിജയപ്പന്‍, എസ് സമീര്‍ എന്നിവര്‍ പ്രസംഗിച്ചു.