കല്‍പ്പറ്റ: കാട്ടാനയുടെ ആക്രമണത്തില്‍ പരുക്കേറ്റ് ചികിത്സയില്‍ കഴിയുകയായിരുന്ന പൊലിസ് ഉദ്യോഗസ്ഥന്‍ മരിച്ചു. രണ്ടാഴ്ച മുമ്പാണ് സുല്‍ത്താന്‍ ബത്തേരിയില്‍ വച്ച് ഇദ്ദേഹത്തെ കാട്ടാന ആക്രമിച്ചത്. ഡല്‍ഹി പൊലിസിലെ എ.എസ്.ഐയും വയനാട് മേപ്പാടി സ്വദേശിയുമായ രാധാകൃഷ്ണന്‍ ആണ് മരിച്ചത്.

മൈസൂരില്‍ നിന്ന് വയനാട് മേപ്പാടിയിലെ വീട്ടിലേക്ക് മടങ്ങും വഴിയാണ് രാധാകൃഷ്ണനെ കാട്ടാന ആക്രമിച്ചത്. ഗുരുതര പരുക്കേറ്റ ഇദ്ദേഹത്തെ ഉടന്‍ വയനാട്ടിലെ സ്വകാര്യ ആശുപത്രിയിലും പിന്നീട് കോഴിക്കോട്ടെ സ്വകാര്യ ആശുപത്രിയിലും പ്രവേശിപ്പിച്ചെങ്കിലും ഇന്നു പുലര്‍ച്ചയോടെ മരിക്കുകയായിരുന്നു.