ന്യൂഡല്‍ഹി: രാഷ്ട്രപതി സ്ഥാനത്തു നിന്ന് വിരമിച്ചതോടെ പ്രണബ് മുഖര്‍ജി ഇനിയും രാഷ്ട്രീയത്തിലേക്ക് ഇറങ്ങിയേക്കുമെന്ന അഭ്യൂഹങ്ങള്‍ക്ക് അദ്ദേഹം തന്നെ വിടനല്‍കി. ഇനി രാഷ്ട്രീയത്തിലേക്ക് ഇറങ്ങില്ലെന്ന് അദ്ദേഹം ഇന്നലെ വ്യക്തമാക്കി. കഴിഞ്ഞ മാസത്തോടെ തന്റെ ജീവിതത്തില്‍ പുതിയൊരു അധ്യായം തുടങ്ങിയെന്നു പറഞ്ഞ അദ്ദേഹം ഇപ്പോള്‍ താന്‍ വിശ്രമ ജീവിതമാണ് ഇഷ്ടപ്പെടുന്നത്. ഇന്നലെ ഡല്‍ഹിയിലെ 10 രാജാജി മാര്‍ഗിലെ വസതിയിലിരുന്ന് മാധ്യമങ്ങള്‍ക്ക് നല്‍കിയ അഭിമുഖത്തിലാണ് തന്റെ നിലപാടുകള്‍ അദ്ദേഹം വ്യക്തമാക്കിയത്.
താന്‍ രാഷ്ട്രീയത്തിലിങ്ങുമെന്നും ഉപദേശകന്റെ റോളിലായിരിക്കും തുടര്‍ന്നുള്ള പ്രവര്‍ത്തനങ്ങളുമെന്ന് പല കോണുകളില്‍ നിന്ന് അഭിപ്രായങ്ങള്‍ ഉയര്‍ന്നിരുന്നു.