കൊല്ലം: ട്രാക്ക് (ട്രോമാകെയര്‍ ആന്‍ഡ് റോഡ് ആക്‌സിഡന്റ് എയ്ഡ് സെന്റര്‍ ഇന്‍ കൊല്ലം),ഫയര്‍ ആന്‍ഡ് റെസ്‌ക്യൂ, റോട്ടറി ക്ലബ് ഓഫ് കൊല്ലം മെട്രോ എന്നിവയുടെ ആഭിമുഖ്യത്തില്‍ കടപ്പാക്കട ഫയര്‍‌സ്റ്റേഷനില്‍ സംഘടിപ്പിച്ച ഭിന്നശേഷിയുള്ള കുട്ടികള്‍ക്കും മാതാപിതാക്കള്‍ക്കുമായുള്ള ദുരന്തനിവാരണ രക്ഷാ പരിശീലനം എന്‍.കെ പ്രേമചന്ദ്രന്‍ എം.പി ഉദ്ഘാടനം ചെയ്തു.മനുഷ്യ നിര്‍മിതവും പ്രകൃതി ദുരന്തങ്ങളും ഉണ്ടാകുമ്പോള്‍ എല്ലാ കഴിവുകളുമുള്ള ജനങ്ങള്‍ രക്ഷപെടാന്‍ ബുദ്ധിമുട്ടുന്ന ഇ കാലത്തു ഭിന്നശേഷിയുള്ളവരുടെ ജീവന്റെ വില തിരിച്ചറിഞ്ഞുള്ള ഇത്തരം പരിശീലനം അഭിനന്ദനാര്‍ഹമാണെന്നും അദ്ദേഹം പറഞ്ഞു.
ട്രാക്ക് ട്രെഷറര്‍ പി.എ സത്യന്‍ അധ്യക്ഷനായി.തുടര്‍ന്ന് ഡിസാസ്റ്റര്‍ മാനേജ്മന്റ് വിദഗ്ധന്‍ കെ.ജി മത്തായിക്കുട്ടി,ഫയര്‍ ആനപഡ് റെസ്‌ക്യൂ കടപ്പാക്കട സ്റ്റേഷന്‍ ഓഫിസര്‍ ഹരികുമാര്‍ എന്നിവര്‍ ക്ലാസുകള്‍ നയിച്ചു .