മട്ടാഞ്ചേരി: എം. ഇഖ്ബാല്‍ സ്മാരക സാംസ്‌കാരിക അക്കാദമിയുടെ ആഭിമുഖ്യത്തില്‍ അനശ്വര ഗായകന്‍ മുകേഷിന്റെ നാല്‍പത്തി ഒന്നാം വാര്‍ഷികത്തോടനുബന്ധിച്ച് സ്മരണാഞ്ജലി അര്‍പ്പിച്ചു കൊണ്ട് ഗാനസന്ധ്യ നടത്തി. ചിറളായി കടവ് ഫ്രണ്ട്‌സ് ഓഡിറ്റോറിയത്തില്‍ നടന്ന പരിപാടി കൗണ്‍സിലര്‍ ബിന്ദു ലെവിന്‍ ഉദ്ഘാടനം ചെയ്തു. ടി.എം അലി മുകേഷ് അനുസ്മരണ പ്രഭാഷണം നടത്തി.
ഹോട്ടോം പേ സച്ചായി രഹ്‌ത്തേ ഹെ എന്ന ദേശഭക്തി ഗാനം എം.പി മുഹമ്മദ് സ്രാങ്ക് ആലപിച്ചുകൊണ്ടായിരുന്നു സ്മരണാഞ്ജലി തുടങ്ങിയത്.
ടി.എം.അലി, കെ.കെ.താജുദ്ധീന്‍, ഇബ്രാഹിം തുരുത്തി, എം.എല്‍ യഹിയ , അല്‍ക്ക അഷ്‌ക്കര്‍, ലത്തീഫ് ,അന്‍വര്‍, പതിനൊന്ന് വയസുകാരിയായ ദിയ ഐഷ എന്നിവര്‍ ഗാനങ്ങള്‍ ആലപിച്ചു. കെ.ജെ.ചിന്നപ്പന്‍ കീ ബോര്‍ഡിലും കെ.എ.അന്‍വര്‍ ഹര്‍മോണിയത്തിലും, ബാലന്‍ തബലയിലും ,റിഥം ബോക്‌സില്‍ ജോണ്‍സണും അകമ്പടിയേകി.