വടകര: കോളജ് വിദ്യാര്‍ഥികള്‍ ഉള്‍പ്പെടയെുള്ളവര്‍ക്ക് കഞ്ചാവ് എത്തിക്കുന്നവരില്‍ പ്രധാനി എക്‌സൈസിന്റെ പിടിയിലായി. അയനിക്കാട് കമ്പിവളപ്പില്‍ റിയാസിനെയാണ് (39) വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ.കെ മുരളീധരനും സംഘവും പിടികൂടിയത്. ഒന്നരക്കിലോ കഞ്ചാവ് സഹിതം മടപ്പള്ളി കോളജ് ബസ് സ്റ്റോപ്പിനു സമീപത്തു നിന്നാണ് ഇയാള്‍ വലയിലായത്. 
വടകര മേഖലയില്‍ പതിവായി കഞ്ചാവ് എത്തുന്നുണ്ടെന്ന വിവരത്തെ തുടര്‍ന്ന് എക്‌സൈസ് സംഘം നിരീക്ഷണം ശക്തമാക്കിയിരുന്നു. ആന്ധ്രാപ്രദേശില്‍ നിന്നാണ് റിയാസ് കഞ്ചാവ് കൊണ്ടുവരുന്നത്. 625 ഗ്രാം കഞ്ചാവുമായി മുന്‍പ് ഇയാള്‍ പിടിയിലായിരുന്നു. അന്ന് ഒരു കിലോവില്‍ കുറവായതിനാല്‍ പിഴ അടച്ച് തടിയൂരി. പുതിയ കേസില്‍ വടകര കോടതി റിയാസിനെ രണ്ടാഴ്ചത്തേക്കു റിമാന്‍ഡ് ചെയ്തിട്ടുണ്ട്.