സിര്‍സ: ഗുര്‍മീതിന്റെ അനുയായികളുടെ വന്‍ ആയുധ ശേഖരം പൊലിസിനു കൈമാറി. ഹരിയാനയിലെ സിര്‍സയില്‍ വന്‍ ആയുധശേഖരങ്ങളാണ് കൈമാറിയതെന്നാണ് പൊലിസ് വിശദീകരണം.
ഒറ്റക്കുഴല്‍ ഇരട്ടക്കുഴല്‍ ഗണ്ണുകളും പിസ്റ്റളുകളുമാണ് പ്രധാനമായും അനുയായികള്‍ കൈമാറിയതെന്ന് സദര്‍ സ്റ്റേഷന്‍ ഓഫിസര്‍ ദിനേശ് കുമാര്‍ പറഞ്ഞു.
ഗുര്‍മീതിന്റെ മുഖ്യകേന്ദ്രമായ സിര്‍സയില്‍ സൂക്ഷിച്ചിരുന്ന ആയുധങ്ങള്‍ പൊലിസിന് കൈമാറണമെന്ന് നേരത്തെ അറിയിച്ചിരുന്നു.
ഇവിടെ വന്‍തോതില്‍ ആയുധങ്ങള്‍ അനുയായികള്‍ ശേഖരിച്ചിട്ടുണ്ടെന്ന രഹസ്യവിവരം ലഭിച്ചതിന്റെ അടിസ്ഥാനത്തിലാണ് പൊലിസ് നിര്‍ദേശം
ഗുര്‍മീത് കുറ്റക്കാരനെന്ന് കണ്ടെത്തിയതിന് പിന്നാലെ ഹരിയാനയില്‍ വ്യാപകമായ ആക്രമണം അഴിച്ചുവിട്ടിരുന്നു. 38 പേരാണ് അന്ന് കൊല്ലപ്പെട്ടിരുന്നത്.