പട്‌ന: കൂട്ടംതെറ്റിയ കുരങ്ങനായി തന്നെ താരതമ്യപ്പെടുത്തിയ ആര്‍.ജെ.ഡി നേതാവ് ലാലുപ്രസാദ് യാദവിന് മറുപടിയുമായി ബിഹാര്‍ മുഖ്യമന്ത്രി നിതീഷ്‌കുമാര്‍. ലാലുവിന് ഇപ്പോള്‍ പ്രത്യേകിച്ച് പണിയൊന്നുമില്ലെന്നും അതുകൊണ്ടാണ് ഇത്തരത്തില്‍ സംസാരിക്കുന്നതെന്നുമായിരുന്നു നിതീഷ്‌കുമാറിന്റെ പ്രതികരണം. നിങ്ങള്‍ ലാലുജിയെ മനസിലാക്കണം. നേതാക്കളെല്ലാം സ്വന്തം പോക്കറ്റില്‍ ആണെന്നാണ് അദ്ദേഹത്തിന്റെ വിചാരം. എന്നാല്‍ അതിനു തയാറാകാത്ത ചിലരുണ്ടെന്ന് അദ്ദേഹത്തിന് ഇപ്പോള്‍ തോന്നുന്നുണ്ട്. അതുകൊണ്ട് ഇത്തരത്തിലുള്ള കാര്യങ്ങളൊക്കെ പറഞ്ഞ് അവരെ വിലകുറച്ചുകാണിക്കാനാണ് അദ്ദേഹം ശ്രമിക്കുന്നത്. തങ്ങള്‍ ബിഹാറിന്റെ വികസനം മാത്രമാണ് ലക്ഷ്യമിടുന്നതെന്നും നിതീഷ്‌കുമാര്‍ പറഞ്ഞു.