കണ്ണൂര്‍: ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി പൂര്‍വ വിദ്യാര്‍ഥി സംഘടന ഹാദിയ കണ്ണൂര്‍ ചാപ്റ്ററിന്റെ കീഴില്‍ ജില്ലയിലെ ഹുദവികളുടെ സംഗമം കണ്ണൂര്‍ പയ്യാമ്പലം അഞ്ചുമന്‍ ഇല്‍ഫത്തുല്‍ ഇസ്‌ലാം മദ്‌റസയില്‍ നടന്നു. ഡിസംബറില്‍ നടക്കുന്ന ദാറുല്‍ ഹുദാ സനദ് ദാന മഹാസമ്മേളനത്തിന്റെ ഭാഗമായി ജില്ലയില്‍ നടത്തേണ്ട മുന്നൊരുക്കങ്ങള്‍ ചര്‍ച്ച ചെയ്തു.
പ്രസിഡന്റ് ഉവൈസ് ഹുദവി കാട്ടാമ്പള്ളി അധ്യക്ഷനായി. ഹനീഫ് ഹുദവി ബുസ്താനി ഉദ്ഘടാനം ചെയ്തു. ഹസ്‌നവി ഷഫീഖ് ഹുദവി പ്രാര്‍ഥന നടത്തി. ജാബിര്‍ ഹുദവി തൃക്കരിപ്പൂര്‍ പ്രഭാഷണം നടത്തി. ഹസ്‌നവി നൂറുദ്ദീന്‍ ഹുദവി ബംഗാള്‍, ഹസ്‌നവി മുബാറക് ഹുദവി റിയാദ്, ഹസ്‌നവി ബഷീര്‍ ഹുദവി സംസാരിച്ചു. സെക്രട്ടറി അബ്ദുല്ല ഹുദവി ബുസ്താനി സ്വാഗതവും ഹസ്‌നവി മുഹ്‌യുദ്ദീന്‍ ഹുദവി നന്ദിയും പറഞ്ഞു.