കൊയിലാണ്ടി: മതസൗഹാര്‍ദത്തിന് സ്‌നേഹത്തിന്റെ വിരുന്നുമായി ചെങ്ങോട്ട്കാവിലെ പുനത്തുംപടിക്കല്‍ ക്ഷേത്രം മേല്‍ശാന്തി ഹരികൃഷ്ണന്‍ നമ്പൂതിരിയുടെ ഓണസദ്യ. എസ്.കെ.എസ്.എസ്.എഫ്, യൂത്ത് ലീഗ് നേതാക്കള്‍ക്കാണ് ഓണസദ്യ ഒരുക്കിയത്. മുസ്‌ലിം യൂത്ത്‌ലീഗ് ദേശീയ സെക്രട്ടറി സി.കെ സുബൈര്‍, എസ്.കെ.എസ്.എസ്.എഫ് ഇബാദ് സംസ്ഥാന ചെയര്‍മാന്‍ ആസിഫ് ദാരിമി പുളിക്കല്‍, കൊയിലാണ്ടി മണ്ഡലം മുസ്‌ലിം ലീഗ് സെക്രട്ടറി റഷീദ് വെങ്ങളം, മണ്ഡലം യൂത്ത് ലീഗ് പ്രസിഡന്റ് നിസാര്‍ എം.ടി, കെ.യു.ടി.എ സംസ്ഥാന സെക്രട്ടറി സലാം മലയമ്മ, കുന്ദമംഗലം മണ്ഡലം യൂത്ത് ലീഗ് വൈസ് പ്രസിഡന്റ് ഹക്കീം മാസ്റ്റര്‍, മലപ്പുറം ജില്ലാ എസ്.കെ.എസ്.എസ്.എഫ് സെക്രട്ടേറിയറ്റ് അംഗം ഉമറുല്‍ ഫാറൂഖ്, ചാത്തമംഗലം പഞ്ചായത്ത് യൂത്ത് ലീഗ് പ്രസിഡന്റ് സിറാജ് ഈസ്റ്റ് മലയമ്മ, സെക്രട്ടറി നിയാസ് കളന്‍തോട്, വൈസ് പ്രസിഡന്റ് അഷ്‌റഫ് കളന്‍തോട്, മലയമ്മ ടൗണ്‍ യൂത്ത് ലീഗ് പ്രസിഡന്റ് പി.പി സലാം, ചാത്തമംഗലം പഞ്ചായത്ത് യൂത്ത് ലീഗ് സെക്രട്ടറി റിയാസ് മലയമ്മ സംബന്ധിച്ചു.